影片
電話號碼
66622126
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
陳鵬鵬潮汕菜館 📍沙田沙田正街18號新城市廣場一期7樓703A號舖最近越來越多大众点评必吃榜嘅餐廳至香港🤔陳鵬鵬三月尾都係香港開咗分店啦！第一間分店選址沙田新城市廣場，開業儀式當日場面好墟冚，午餐時段門口齊晒長龍！難得入到沙田又適逢新開張，當然要捧場下招牌菜！🪿金獎潮滷拼盤$188採用獨創12味草本卤湯，每日都會新鮮現滷，唔會重用老滷，欣賞呢份堅持！例牌份量都足夠四個人食，啖啖肉，滷水味香而唔鹹👍🏻🦐生醃甜蝦 $88辣辣地好惹味嘅甜蝦，醬汁味道有少少似泰式辣醬！做開胃菜一流👍🏻🥦🥬潮汕七樣菜 $68每餐飯都應該要叫啲蔬菜平衡下，呢鍋份量同菜嘅款式都好多，而且啲菜好鮮甜！🍲胡椒豬肚湯 $68估唔到例牌湯水都包含好多料！豬肚肉質柔滑，乾淨冇異味！兩個人飲每人都可以有兩碗！🐣🥚南澳蠔仔烙 $98必食推介❤️👍🏻👍🏻👍🏻👍🏻👍🏻非常出色嘅蠔仔餅！蠔仔份量非常多，而且粒粒又大又飽滿，一啲腥味都冇！煎得極香脆，師傅特登面頭再加脆脆，增加口感，食落脆卜卜嘅嘢味！☕️🫖鴨屎香茶 $38平時食中菜一定唔會有鴨屎香！所以今次要試吓，我自己幾鍾意！
繼續閱讀
🦆金牌鵝肝新派潮汕菜🌾-沙田新城市廣場呢期成日都有新餐廳開張 今次就嚟到呢間現代潮汕菜嘅小餐館食飯😋 主打以平民價錢就享受到鵝肝打冷同潮州粥等經典品項😎-🏅金獎鵝肝 🐟打冷魷魚 🦐生醃甜蝦 前菜冷盤㨂咗餐廳大推嘅金獎鵝肝 煙燻處理過再雪凍嘅鵝肝食落好creamy 唔會好重內臟嘅腥味 反而有少少似係雪糕咁 幾出色😋 另外打冷魷魚都幾爽口 而生醃甜蝦帶少少辣 好開胃😚-🫛雞汁普寧炸豆乾 🐟香煎鯧魚 小菜㨂咗呢兩道 豆乾同一般炸豆腐好唔同 入面比較更綿滑同creamy 加上外面嘅金黃脆皮 層次滿滿🤤 煎魚煎到金黃色 充滿油香😗-🥘鮑汁古法焗鮮鮑 難得同媽媽出街食中餐 所以㨂咗鮑魚仔孝敬佢🤣 鮮飽好入味而且都焗得好淋 而且個汁都好惹味 撈飯一流😂-🍲胡椒豬肚湯 🥥椰皇雞湯 餐廳都好推介佢哋嘅湯品 所以我哋就揀咗兩個嚟試吓😛 佢嘅胡椒豬肚湯好特別 落咗係蕃茄同酸菜 所以飲落胡椒味唔會太辣 反而多咗種酸菜嘅酸味 比較開胃 而且豬肚都好爽脆❤️ 另外椰皇雞湯真係圓個椰皇上碟 用咗椰青水煲 所以好清甜🤩-🥦潮汕七樣菜 有選擇困難嘅朋友就最啱揀呢個 因為包咗七款當季當造嘅時菜 食落好清甜 而且顏色繽紛 一次過就食到七款菜菜😘-🌾私房泉水白粥 $18/位因為食飯太飽 所以揀咗白粥 搬到呢個平實無華嘅品項竟然去到最大嘅驚喜我哋🤩 佢嘅白粥好綿滑 但仍然保持咗米粒感 十分出色😍 餐廳話係因為佢地用咗特別嘅泉水同東北米先煲到嘅效果 夠咁心思👍🏻-🫘陳皮紅豆沙 $20/例甜品我哋揀咗紅豆沙 紅豆都幾飽滿 食落都有起沙感 唔錯 如果陳皮味再濃啲就更正啦😛-📍陳鵬鵬潮汕菜 (沙田)沙田沙田正街18號新城市廣場一期7樓703A號舖
繼續閱讀
中意食潮州打冷見到餐廳新開自然要試下~滷水鵝片切得薄，味道正宗。金牌鵝肝好一般，餐牌建議寫明一個鵝肝的份量。送幾粒仔煙熏鵝肝粒（用紙衣包住）味道好難頂差點作嘔，埋單時先知係得獎作品，唔識欣賞，好彩落單時呢款菜售罄。芥蘭炒牛肉，牛肉炒得鮮嫩，不過芥蘭就似焯水擺盤，無味兼老。香煎鯧魚，唯一抵讚的菜式，煎得好香，魚肉嫩又唔腥。七樣菜，就系七款青菜煮埋一堆，加一匙豆醬一匙肉沫。整體不過不失，菜式唔多選擇，連飯想添多碗都賣晒。門口話明不收茶位不收餐前小食費，本身就咩都冇提供又點好意思收😆
繼續閱讀
顯示$198兩個人嘅套餐平到嚇死人8樣嘢食-鴨屎香入喉清甜甘爽，帶銀花花香滋味醇厚，回甘力強五泡以上仍有味！-魚丸湯個湯有一隻蝦，兩粒丸，同埋紫菜絕對唔係敷衍好鮮味蝦好大隻彈牙-七樣菜平平哋就有成煲菜用魚湯，仲有肉碎一次過食七樣菜無平時咁悶-煎䱽魚我唔食魚，但係媽咪就話佢味道唔會好鹹又唔會好油膩仲好有魚油香味-滷水拼盤第一次見滷水拼盤咁齊全有埋鵝頸-蠔仔粥非常足料，蠔仔肥美鮮香粥底鮮甜惹味-月亮蝦餅皮薄肉有咬口同埋都係鍾意佢唔會太濃味嘅感覺
繼續閱讀
陳鵬鵬在內地非常有名氣，現在來到香港在沙田新城市開幕，啱曬我呢啲留港消費的人，於是今日我和我的潮仔佬許生慕名前往。餐廳光猛明亮，木系裝修，加點潮汕擺設，坐下相當舒適。我們在下午一點半左右去到，店員推薦一個雙人餐，並說這餐每日只做到兩點。這個二百元不到的雙人餐非常超值，非常豐富。由於出餐快速，我們入座的四人餐桌才剛好放下所有食物。滿桌佳餚，心滿意足。雙人餐（$198）【工夫茶】鴨屎香【潮菜頭牌】潮鹵拼盤例牌【靚湯】頭水紫菜魚丸湯【本季精選】香煎鯧魚半條、雞汁普寧豆干、潮汕七樣菜【主食】蠔仔泡粥【甜品】椰汁仙草蜜【工夫茶】除了有常見的普洱和菊花外，這兒有3款較特別的茶葉，我們選了其一：鴨屎香，是產自海拔1392米的烏崠山有機茶。平時飲用的茶葉會愈沖愈澀，可是這個鴨屎香卻是愈沖愈甜，甜潤爽口，讓我留下深刻印象。【潮菜頭牌】潮鹵拼盤包含有鵝片、掌翼、鵝頸、鵝血和溏心蛋。鹵水清香不鹹，鵝肉軟嫩，鵝掌翼爽彈，雞血柔順，而最好吃的竟然是鵝頸。其實我是第一次吃鵝頸，原來特別香濃，肉質細膩嫩滑。【靚湯】不但有紫菜和魚丸，還有一隻大蝦，湯水鮮甜偏淡。【本季精選】有魚、有豆腐又有菜，營養豐富。鯧魚外酥內軟，金香鮮美。豆干外酥內嫩，淋下的雞汁讓豆腐有炸雞風味。七樣菜即是雜菜煲，特別在加了普寧豆醬增添鮮味。【主食】這款蠔仔粥我倒是第一次吃，因它加入了鹹酸菜，別具風味。此外，大粒飽滿的蠔仔和用方魚碎煮成的粥，特別鮮甜。這個粥有用小蠟燭加熱，不過效果麻麻，建議襯熱享用。【甜品】椰汁夠濃，仙草夠滑，可是不夠甜。最後甜牙齒的許生要求加另外加點糖水，即刻變得甜蜜美味。
繼續閱讀