鏞鏞．藝嚐館

營業中

休息中

喺太古坊返工，要同個重要客人食晏，想搵間環境靜啲、坐得舒服、食物質素有返咁上下嘅中菜，真係唔易。今次試咗朋友介紹呢間「鏞鏞藝嚐館」，結果由環境到食物都令人滿意。餐廳裝修行高雅路線，座位之間有足夠距離，傾生意私隱度高。我們由一道精緻的「古早味蝦籽紮蹄」開始，豆香同蝦籽嘅鹹鮮搭配得啱啱好，接住道「花膠松茸燉響螺」火喉十足，湯色清澈但味道濃郁，飲得出用料靚，松茸的香氣畫龍點睛，連個客都讚不絕口。碧綠甫魚鱈魚球同樣出色，鱈魚球肉質嫩滑，配搭清爽的蔬菜和大地魚乾的鹹香，味道很有層次。我哋仲點咗道蔥香臘肉炊飯，飯粒索晒臘肉和蔥油的香味，但又不會過於油膩，恰到好處。成餐飯侍應加茶換碟時機都掌握得好，完全無打擾到我們傾嘢，下次有商務午膳都會再訂呢度。