影片
更多
2020-12-27
188 瀏覽
呢間餐廳開左無幾耐，見到OpenRice上咁多好評，今日叫外賣一試先知中大伏。蕃茄一貝子濃湯（跟白飯）湯量好少，杰身但係以茄膏混出來的厚度，沒有蕃茄的香氣，只有茄膏的甜味同微酸，加上白飯更似茄汁撈飯。海鮮有一隻扇貝肉，三隻青口，少量細蜆肉。扇貝肉腥，青口尚可。咸菜自製胡椒豬肚湯（跟米線）湯無味，咸菜無味，豬肚無味，食到有胡椒，但係只有咬開才有嗆辣味，沒有將胡椒味道煲入湯裡面。雖一尚可是米線，軟硬適中。涼拌蓮藕片呢樣係呢餐唯一不錯的食物，蓮藕片爽口，加上少量辣油蔴油頗清爽。呢間餐廳號稱原作養生湯，但首先湯底只係微暖，完全唔似剛煲好盛出（外賣拎到家只用了五分鐘）；再者佢只係將幾樣材料放喺同一個碗端出，絲毫沒有稍為將幾款食材融和喺一碗湯入面，例如蕃茄濃湯只係用茄膏造出來的濃杰質地，胡椒豬肚湯只係咸菜豬肚湯加胡椒。如果你係以上兩款湯底的fans想一試，勸你三思，恐怕產品會同你想像的好大出入；如果你想試佢其他產品，我都好擔心只係將圖片所有／產品名入邊的幾款食材放埋一齊。本人素來少寫食評，但今次食完真係不吐不快。尤其見到呢度有咁多好評，實在希望有更多人睇到呢篇食評。寫到呢度距離食完大約一個鐘，已經
蕃茄一貝子濃湯（跟白飯）
湯量好少，杰身但係以茄膏混出來的厚度，沒有蕃茄的香氣，只有茄膏的甜味同微酸，加上白飯更似茄汁撈飯。
海鮮有一隻扇貝肉，三隻青口，少量細蜆肉。扇貝肉腥，青口尚可。
咸菜自製胡椒豬肚湯（跟米線）
湯無味，咸菜無味，豬肚無味，食到有胡椒，但係只有咬開才有嗆辣味，沒有將胡椒味道煲入湯裡面。
雖一尚可是米線，軟硬適中。
涼拌蓮藕片
呢樣係呢餐唯一不錯的食物，蓮藕片爽口，加上少量辣油蔴油頗清爽。
呢間餐廳號稱原作養生湯，但首先湯底只係微暖，完全唔似剛煲好盛出（外賣拎到家只用了五分鐘）；再者佢只係將幾樣材料放喺同一個碗端出，絲毫沒有稍為將幾款食材融和喺一碗湯入面，例如蕃茄濃湯只係用茄膏造出來的濃杰質地，胡椒豬肚湯只係咸菜豬肚湯加胡椒。
如果你係以上兩款湯底的fans想一試，勸你三思，恐怕產品會同你想像的好大出入；如果你想試佢其他產品，我都好擔心只係將圖片所有／產品名入邊的幾款食材放埋一齊。
本人素來少寫食評，但今次食完真係不吐不快。尤其見到呢度有咁多好評，實在希望有更多人睇到呢篇食評。寫到呢度距離食完大約一個鐘，已經相當口渴，唔知係咪真係無放味精呢？
題外話/補充資料：
餐廳收銀大力推介小食海蜇花，$58覺得實在太貴，慶幸無叫。
(以上食評乃用戶個人意見 , 並不代表OpenRice之觀點。)
張貼