阿爺粥品手工涮涮鍋 (已結業)

好耐冇打邊爐喇！我多數打邊爐都會揀有得任食嘅餐廳，因為我有d大食🙊雖然今次都唔例外，但都想搞d新花式，所以揀咗呢間阿爺粥品手工涮涮鍋😍呢間餐廳除咗有一般任食火鍋店嘅食物可以order，有個餐仲有靚靚海鮮盤架🤤埋枱有6款調味可以選擇，款式同坊間嘅大致相同，呢度有我最喜愛嘅芫茜😋我攞咗好多好多啊我地叫嘅餐係美顏花膠雞鍋，呢個就係頭先講嘅海鮮盤喇，有花蟹、龍蝦、鮑魚、貴妃蚌、蜆、仲有手切牛肉，個分量係按人頭供應嘅，咁就唔怕人多唔夠分啦～😉我地呢個係2人分量嘅，派頭都唔細架！枱上有個牌寫住每款食物嘅打邊爐時間，咁就唔怕唔知點處理啦！未淥之前先試試個湯底先，唔係講笑，好濃好甜😂非常值得一提嘅係，呢度竟然有部公仔機，夾嘅唔係公仔，而係花蟹同龍蝦！😱入場每人會有一個代幣，一代幣一局哦，喺男神部長嘅提點下，我地竟然夾到最難夾嘅龍蝦😱夾完可以自己食返架！佢會幫你劏咗上枱，我地一開始以為佢會換隻冇咁新鮮嘅上枱，但一將龍蝦放落鍋，疑慮即刻全消，因為隻龍蝦就算被開邊，d腳仲識郁架，夠曬新鮮啦！🤙其他海鮮都係非常鮮美，尤其係蜆，大家不約而同地“哇”咗出聲呢度其他火鍋配料同埋甜品嘅質素都係非常穩陣，對比坊間火鍋放