蝦蝦燒 (已結業)

平時好鍾意食海鮮🦞🐡🦑🦪，有海鮮任食嘅放題當然唔會錯過啦，今次就嚟到荃灣即夾即燒嘅海鮮放題2.5h任食。一入到去就見到好多個蝦缸，入面啲蝦🦐都係好新鮮，全部游得好快，真係冇好身手都好難夾。海鮮種類都多：貝類 ，蟹🦀 ，魚🐟，生蠔應有盡有，而且都係好新鮮，鮮味十足。扇貝加左牛油，粉絲，葱，辣椒🌶，真係好正👍❤️ 啲魚原本就已經處理好曬，我地自己中間夾咗好多調味料，燒熟左之後真係超香。最正嘅當然係啲大頭蝦🦐啦，隻隻蝦都超多膏，而且啲膏真係好香呀，新鮮真係唔同啲，超彈牙。又有得玩又有得食，大家快啲嚟試吓。