影片
更多
2006-08-12
16 瀏覽
一行到入去見到張甜品檯, 個心已經飛左去佢地度啦, 但係梗係比人拉住, 要食左其他野先啦, 於是好克制咁食左前菜, pasta 同主菜先, 之後先食佢地. (不過就成餐都係諗住要快d 試佢地呀)前菜, 自助形式, 都係d 正常的野, 本身唔太喜歡生蠔, 但都覺得ok. 仲有蝦, 都唔錯. 至於一人半隻的龍蝦簡直就好呀. 好新鮮, 好美味呀. 跟住就係蕃茄湯, 太濃. 至於d 麵包, 如果係熱的會好好多, 不過都好軟. 有一隻棒狀的, 就出奇地好, 煙煙韌韌, 唔係好似出面果d 多數係脆的. 雖然知道食太多麵包, 之後會食唔落仲好味的甜品, 於是都就住就住, 但又忍唔住食完一啖又一啖. 嘩, 果即場炭燒的三文魚真係好好味, 外面微脆, 燒得好香, 入面唔會太熟, 仲軟軟地. 人間美味, 拍得住鐵板燒的三文魚呀. 食到簡直好似味皇咁個口識得發光呀. 個長通粉, 都好好味呀, 連個茄汁都美味都暈. 終於都到主菜啦(嘻嘻, 之後就係我至愛的甜品啦)我要左個羊架, 果然係名不虛傳呀, 好味, 生熟程度o岩o岩好, 唔會太生, 又唔會熟得滯. 同行的惡魔豬要左個牛柳都好味, 但當然冇我個羊架咁好味
前菜, 自助形式, 都係d 正常的野, 本身唔太喜歡生蠔, 但都覺得ok. 仲有蝦, 都唔錯. 至於一人半隻的龍蝦簡直就好呀. 好新鮮, 好美味呀.
跟住就係蕃茄湯, 太濃. 至於d 麵包, 如果係熱的會好好多, 不過都好軟. 有一隻棒狀的, 就出奇地好, 煙煙韌韌, 唔係好似出面果d 多數係脆的. 雖然知道食太多麵包, 之後會食唔落仲好味的甜品, 於是都就住就住, 但又忍唔住食完一啖又一啖.
嘩, 果即場炭燒的三文魚真係好好味, 外面微脆, 燒得好香, 入面唔會太熟, 仲軟軟地. 人間美味, 拍得住鐵板燒的三文魚呀. 食到簡直好似味皇咁個口識得發光呀.
個長通粉, 都好好味呀, 連個茄汁都美味都暈.
終於都到主菜啦(嘻嘻, 之後就係我至愛的甜品啦)
我要左個羊架, 果然係名不虛傳呀, 好味, 生熟程度o岩o岩好, 唔會太生, 又唔會熟得滯. 同行的惡魔豬要左個牛柳都好味, 但當然冇我個羊架咁好味啦.
到左甜品時間啦, 一開始就撲左埋去朱古力puff 度, 之後再要埋好出名的tiramisu , 仲有石榴撻, blueberry cheese cake. 拎完番去逐件試先, 先食朱古力puff, 嘩, 好食到雙眼發光, 惡魔豬仲要即係拎相機出黎影tim. 之後係tiramisu , 好味過坊間魚目混珠的好多, 極品. (點知比人搶左成三份一, 蝕哂). 個石榴撻, 好清新, 唔太甜, 美味. 好難o係外面搵得到. 個blueberry cheese cake 又係一絶, 好味過cova呀，好濃, 但冇cova 咁硬, 又軟又香, 好味道. 如果食得落多一件就好啦. 之後, 仲食左士多啤梨雪糕呀, 係有果肉ga, 同tiffin 有得比呀, 美味美味. (同埋service好好，會主動行埋呢幫你“筆”雪糕, 嘻, “筆”得靚好多.
好飽呀, 但都忍唔住要拎多次tiramisu, 點都要食番比人搶左果三份一.
結果飽到暈. 晚飯都食唔落.
好滿足, 一次食左咁多高水準的甜品, 真係好滿足.
張貼