影片
更多
2019-05-31
240 瀏覽
同朋友兩個人嚟咗銅鑼灣食打邊爐，重點係肉肉肉。有上網睇過呢間餐廳好靚，去到呢發現佢嘅大玻璃望出去出邊樓景山景海景，真係睇落唔錯，日落嘅時候仲好靚，淨係景都值幾百蚊。而且地方好乾淨企理，我覺得好適合帶長輩爸爸媽媽嚟食。食辣嘅時候會係咁流汗就一定㗎啦。餐廳有提供Temple紙巾呢樣嘢值得讚賞。我哋叫咗一個雞煲。啲雞好滑，味道相當濃郁。我哋兩個人叫咗半隻雞，分量唔算多，但考慮到我哋之後又會食火鍋又食串燒，半隻嘅份量都足夠嘅，但如果大食嘅人可以考慮吓叫一隻。又有樣嘢要讚下嘅，我哋本身叫微辣，發現呢唔夠辣味，職員就拎左一兜辣嘅調味出嚟，俾我哋可以自己隨意加辣。雞件真係相當滑，吸收到足夠嘅湯底嘅辣味同咸味，十分惹味。朋友至愛嘅牛柏葉。雖然佢係$22一份，但出到嚟份量都幾多。今次打邊爐發現，菇類原來真係打邊爐嘅最佳拍檔。因為我哋食麻辣打邊爐嘅關係，冬菇係湯底入邊浸好耐都唔會吸晒辣味，食落仲係清清地嘅，等個肚可以休息一下。佢呢度叫一份菇有四粒大大粒嘅，我同朋友一人兩粒都好夠。金菇又係打邊爐嘅首選蔬菜。重頭戲當然係佢嘅牛肉啦。我哋叫嘅係大份牛頸脊。出到嚟呢油化真係靚到一個點，影相晒俾人睇一流。食落亦都係
有上網睇過呢間餐廳好靚，去到呢發現佢嘅大玻璃望出去出邊樓景山景海景，真係睇落唔錯，日落嘅時候仲好靚，淨係景都值幾百蚊。而且地方好乾淨企理，我覺得好適合帶長輩爸爸媽媽嚟食。
食辣嘅時候會係咁流汗就一定㗎啦。餐廳有提供Temple紙巾呢樣嘢值得讚賞。
我哋叫咗一個雞煲。啲雞好滑，味道相當濃郁。我哋兩個人叫咗半隻雞，分量唔算多，但考慮到我哋之後又會食火鍋又食串燒，半隻嘅份量都足夠嘅，但如果大食嘅人可以考慮吓叫一隻。又有樣嘢要讚下嘅，我哋本身叫微辣，發現呢唔夠辣味，職員就拎左一兜辣嘅調味出嚟，俾我哋可以自己隨意加辣。
雞件真係相當滑，吸收到足夠嘅湯底嘅辣味同咸味，十分惹味。
朋友至愛嘅牛柏葉。雖然佢係$22一份，但出到嚟份量都幾多。
今次打邊爐發現，菇類原來真係打邊爐嘅最佳拍檔。因為我哋食麻辣打邊爐嘅關係，冬菇係湯底入邊浸好耐都唔會吸晒辣味，食落仲係清清地嘅，等個肚可以休息一下。佢呢度叫一份菇有四粒大大粒嘅，我同朋友一人兩粒都好夠。
金菇又係打邊爐嘅首選蔬菜。
重頭戲當然係佢嘅牛肉啦。我哋叫嘅係大份牛頸脊。出到嚟呢油化真係靚到一個點，影相晒俾人睇一流。食落亦都係好好味，絕對唔會好似肥牛咁韌到咬唔開，反而入口口感一流。而且佢份量都唔少，兩個人食剛剛好。
我哋仲帶咗兩款嘅串燒，叫做試吓好唔好食。佢兩種串燒都係即刻整好即刻拎出嚟嘅，好香嘅香料味。我個人比較推介豬頸肉，因為佢一咬入口就好友香十足，配上香料味，真係食完一塊又一塊。
張貼
