金樂軒雞煲魚鍋

營業中

休息中

今日咁啱要去北角買野，順便約朋友食飯。朋友想食雞煲，所以就搵下附近有無雞煲食。俾我地搵到呢間「金樂軒」，有得食雞煲、小菜同打邊爐，所以二話不說就入左去。老闆好友善，而且安排坐房，可以舒舒服服打邊爐！雞煲要左少辣，辣度剛剛好，越食越滋味，最鍾意就係有原粒冬菇，非常入味。之後再點了鵝腸、午餐肉、特級安格斯肥牛同炸魚皮，放在雞煲內打邊爐，有濃濃既雞湯香味，正！特別推介係炸魚皮，大件得來脆卜卜，浸一浸湯更美味（三秒就夠啦），四十蚊好抵食！特級安格斯肥件都好好味，油脂分佈平均，好滑、好有牛味，食完仲想叫多碟，不過已經好飽啦。下次會再嚟食！