桻之燒 (已結業)

尋日同男朋友去銅鑼灣做完野，一直都知道東大街係食街黎，就撘電車去東大街食飯，求其入左桻之燒，第一次黎點知好有驚喜！❤️見到餐牌啲串燒既名都好特別，唔似外面好普通既串燒，海鮮嗌咗元貝同馬友一夜干，真係好好味又新鮮！老細話係一夜干係自家制自己曬，真係煎到啱啱好又唔會好鞋！好驚喜係酒漬雞肝，洋蔥同雞肝再用酒醃，配酒鬼老細推介既生原清酒係一流！👍其他都好好食，因為所有串燒實在太好食就費時曬時間影相，怕拎完角度啲野食就攤凍曬🙈重點一提係老闆Ray實在係大酒鬼，我同我男朋友都係愛酒之人，成晚傾得好開心，老闆成晚推介左幾款酒都好啱我地口味，走嗰陣都幾乎腳步不穩🤤🤣如果鐘意飲清酒既絕對可以問老細Ray有咩好推介，相信佢唔會令你失望🤣因為好少過港島東，誤打誤撞揀到一間好有人情味又有家既感覺既居酒屋，要寫下食評支持下小店❤️