影片
更多
2017-11-08
4393 瀏覽
為左慶祝朋友轉工, 我地決定去食餐好既日本野, 所以揀左bookmark左一段時間既鮨一~~ 係厚福街唔難找喔, 七點已經有人要排隊了 鮨一招牌沙律 $128去日本餐廳食沙律, 好多時都比我印象好細盤, 呢個既size係估唔到咁大盤, 底部有大量切好既生菜, 仲有去左皮既蕃茄, 沙律都有心思去擺盤呢! 面就如圖咁鋪滿左各款魚生刺生粒粒, 全部都好新鮮, 沙律醬同蟹籽令沙律更豐盛, 性價比高既沙律呢! 白子刺身 $148 第一次食呢種刺身, 睇落好似豬腦, 但其實係…. 唔理佢係咩器官既話都幾爽口XD search返先知原來好高蛋白質lol 北寄貝刺身 $248最滿意既刺身係佢~ 份量充足, 夾埋都有成十片有多, 有啲部份會爽脆d, 有啲厚切D令佢更有咬口, 全部都彈牙又富嚼勁, 難得我唔點豉油同wasabi都已經好夠味~ 磯煮鮑魚 $118以為係整隻上, 但原來切左片, 擺盤一樣咁精緻, 岩哂我相機食先~~~ 同埋時食開既磯煮鮑魚相比, 我覺得呢到無咁重磯燒醬汁味道, 惹味度差咁d，反而係鮑魚既鮮味為主導, 雖然薄切但仍然食到鮑魚肉先紮實後柔軟既口感。 煙肉荔枝捲 $25 燒物我無咁大
鮨一招牌沙律 $128
去日本餐廳食沙律, 好多時都比我印象好細盤, 呢個既size係估唔到咁大盤, 底部有大量切好既生菜, 仲有去左皮既蕃茄, 沙律都有心思去擺盤呢! 面就如圖咁鋪滿左各款魚生刺生粒粒, 全部都好新鮮, 沙律醬同蟹籽令沙律更豐盛, 性價比高既沙律呢!
白子刺身 $148
第一次食呢種刺身, 睇落好似豬腦, 但其實係…. 唔理佢係咩器官既話都幾爽口XD search返先知原來好高蛋白質lol
北寄貝刺身 $248
最滿意既刺身係佢~ 份量充足, 夾埋都有成十片有多, 有啲部份會爽脆d, 有啲厚切D令佢更有咬口, 全部都彈牙又富嚼勁, 難得我唔點豉油同wasabi都已經好夠味~
磯煮鮑魚 $118
以為係整隻上, 但原來切左片, 擺盤一樣咁精緻, 岩哂我相機食先~~~ 同埋時食開既磯煮鮑魚相比, 我覺得呢到無咁重磯燒醬汁味道, 惹味度差咁d，反而係鮑魚既鮮味為主導, 雖然薄切但仍然食到鮑魚肉先紮實後柔軟既口感。
煙肉荔枝捲 $25
燒物我無咁大興趣, 但呢個幾得意, 煙肉竟然係配生果, 荔枝燒過後更加係一咬爆汁, 甜甜既荔枝汁同煙肉互相平衡之下幾有趣既配搭。
炸蝦天婦羅 $85炸物質素唔錯, 呢個價錢預佢4-5件, 但原來都有半打炸蝦, 除此之外仲有炸金菇呢, 食過幾次都會炸到成張係油, 但呢到炸得好乾身唔油膩, 放耐左都係脆口, 炸漿幾薄身, 唯獨係蝦既味道偏淡, 金菇同樣炸得香口。
鮨一千層海膽丼 $298
枱枱都叫既招牌海膽丼, 令唔太食海膽既我同朋友都要試試佢~ 坐係bar枱望住師傅由飯同鋪吞魚魚蓉到海膽, 整個過程的確令人期待。
叫得千層海膽份量確係有保證, 我平時唔太好吃海膽因為怕腥, 但呢到完全食唔出腥味!! 所以我都食左唔少, 未至於好鮮甜...但幾creamy, 加埋吞拿魚蓉口感更豐富, 味道同樣偏淡.......不過最令我欣賞反而係個飯, 以赤醋調味後微酸令人胃口大開, 加上香黏軟糯既質感, 令我好想清哂D飯。
鯛魚奶湯 $84
呢到湯令我同朋友都大讚, 魚味非常鮮甜, 奶白色既湯無論睇定飲都一樣feel到奶味濃, 無渣令湯既口感順滑, 飲落好舒服, 比起平時飲麵豉湯差得遠呢~
呢到都幾旺場, Keep住好多人排隊, 想食記得book位!!不過店員們似乎好忙, 叫幾次先會聽到… 要比D耐性喔。
張貼
