Le Petit (已結業)

之前睇到D食評都有D驚，不過最後決定一試。好彩我地有呢種冒險精神，否則就會錯過呢間咁好食嘅餐廳。首先講海鮮拼盤，生蠔非常鮮甜，個蝦我覺得好過Olala，螺都係水準貨色。試左佢地嘅香草鴨腿，非常鬆化，雖然係油左DD，不過仍然非常好食。我屋企人試左佢地嘅 番茄Salami意粉，香到小朋友個個爭住食。套餐餐飲居然可以揀紅/白酒，真係唔錯。甜品朱古力布丁有三种口感，甜度適中，我本人非常喜歡。我屋企人說Tiramisu都好好味。我朋友之前食過香草炒蘑菇，佢話D蘑菇好多汁，無得頂。見到之前D食評，我覺得應該還呢間餐廳一個公道。以呢個價錢，可以得到呢個水準嘅 食物，我覺得非常超值。大家樂一個焗豬扒飯都要27、28蚊啦，佢地68蚊一個3-course餐，食心機都值回票價。原來我好多同事/朋友都聽聞呢間餐廳，不過都係因爲 係深水步所以遲遲未試。餐廳其實唔難搵，值得去深水步走一次。