影片
更多
2017-09-23
836 瀏覽
呢間朋友話要book 一個月既火鍋，今次終於黎試下。夜晚佢有三個時段既，我地就揀左8點半個轉，可以食到11點鐘交枱，每一段時間，都係清晒前一段既人先再入下一段既人。因為我地有十個人，佢就安排左我地坐房，幾舒服，又唔迫。佢d 海鮮係初頭就會比晒我地，我地係跟住佢牆上面貼左 (每樣海鮮要煮幾耐時間同次序）的指示去放海鮮入去，最先落既係蟹，蝦，鮑魚，之後就係蜆個d, 最後係魚d 海鮮好新鮮，d 蟹好多膏。蝦好爽口。鮑魚完全唔會痴牙，好有咬口。蚌同埋蜆又好乾淨，唔會有沙。仲有條魚，係勁滑唔多骨。真係要跟佢個指示煮，甘d 海鮮就最好好好好食之後食完個d 海鮮，我地於開始放d 打邊爐既野食。店員叫我地煮晒d 海鮮就放d 南瓜粒，芋頭粒同粟米。等d 南瓜同芋頭可以多d 時間煮溶d, 甘個粥先會綿。雞軟骨丸，牛肉，牛丸，芝士軟心獅子狗，同豬肉，仲有嗌左響鈴同花膠(不過唔記得左影),雞軟骨丸係我第一次食，幾爽口，口感好特別。牛丸都係入面有夾心，好彈牙架。牛肉同豬肉都好滑，唔多脂肪，好好食，又唔"鞋"。花膠同響鈴就同平時食既差唔多，冇咩特別。芝士軟心獅子狗，我最鐘意，因為熟左d 芝士軟心好濃。好好食。推介
夜晚佢有三個時段既，我地就揀左8點半個轉，可以食到11點鐘交枱，每一段時間，都係清晒前一段既人先再入下一段既人。
因為我地有十個人，佢就安排左我地坐房，幾舒服，又唔迫。
佢d 海鮮係初頭就會比晒我地，我地係跟住佢牆上面貼左 (每樣海鮮要煮幾耐時間同次序）的指示去放海鮮入去，最先落既係蟹，蝦，鮑魚，之後就係蜆個d, 最後係魚
d 海鮮好新鮮，d 蟹好多膏。蝦好爽口。鮑魚完全唔會痴牙，好有咬口。蚌同埋蜆又好乾淨，唔會有沙。
仲有條魚，係勁滑唔多骨。
真係要跟佢個指示煮，甘d 海鮮就最好好好好食
之後食完個d 海鮮，我地於開始放d 打邊爐既野食。
店員叫我地煮晒d 海鮮就放d 南瓜粒，芋頭粒同粟米。等d 南瓜同芋頭可以多d 時間煮溶d, 甘個粥先會綿。
雞軟骨丸，牛肉，牛丸，芝士軟心獅子狗，同豬肉，仲有嗌左響鈴同花膠(不過唔記得左影),
雞軟骨丸係我第一次食，幾爽口，口感好特別。
牛丸都係入面有夾心，好彈牙架。
牛肉同豬肉都好滑，唔多脂肪，好好食，又唔"鞋"。花膠同響鈴就同平時食既差唔多，冇咩特別。
芝士軟心獅子狗，我最鐘意，因為熟左d 芝士軟心好濃。好好食。推介呢個。
最後我地清走d 肉呀，粟米呀個d 野食，再放d 飯入去煮返開個粥，個粥好入味，南瓜同芋頭溶夾埋一齊，原來都幾夾味。仲有d 海鮮既鮮味呀，肉呀甘樣，所以個粥都有d 鮮甜既味。仲有我地煮得岩岩好，個粥好綿。
夜晚呢個時段，每人2百蚊左右，仲有甘多海鮮同野食，免加一，真係好抵。下次一定會再黎食。
張貼
