84
8
2
港鐵佐敦站 A 出口, 步行約4分鐘 繼續閱讀
所有分店 (5)
電話號碼
28862004
營業時間
今日營業
18:00 - 02:00
星期一至日
18:00 - 02:00
*用餐時段: (1) 18:00-20:30; (2) 20:30-23:00; (3) 23:00-02:00
付款方式
Visa Master 現金
其他資料
深夜營業
酒精飲品
自帶酒水 詳細介紹
電話訂座 詳細介紹
外賣服務 詳細介紹
加一服務費
食評 (111)
等級4 2018-06-21
9946 瀏覽
喺香港都食過幾間唔同嘅粥底火鍋,至今仍然覺得鍋心質素較高,光顧過不下一次,水準亦很穩定,性價比高。由最初只有佐敦、大圍店,到而家深水埗、北角都有分店,人氣依然不減,晚飯時間好多時都要訂位先食得到。今次再訪佐敦店,由於係即興飯局,抱住一試嘅心態直接到店,十分好彩,店員表示房間未有預約,於是可以安排到,難得準時8:30pm入座,餐廳分為兩層,地下以卡座為主,坐得較舒適,二樓枱櫈稍為密麻,人多想坐房就記得訂位。樓梯比較窄,上落要注意。天氣較熱,加上食粥底火鍋,房間冷氣頗足。餐牌同之前並無太大分別,價錢方面,基本收費係$200/位,無加一服務費,包括兩款特選海鮮 (肉蟹、沙白)、五款當日時令海鮮 (一般有鮑魚、花甲、蚌、魚等,視乎供應)、八款自選配料、粟米粒、粥底 (粥膽、南瓜粒、芋頭粒),一律人頭份量,並非任食,飲品另計。若然覺得唔夠飽,亦有收費嘅追加配料。不過我地鮮有追加,皆因基本套餐已足夠。座位有限,餐廳有劃分用餐時間,頭輪6:00-8:30pm;第二輪8:30pm-11pm餐廳提供海鮮烹調時間、粥底鍋食法作為參考,建議先食海鮮,加南瓜粒、芋頭粒,再食自選配料,最後加入粥底,令粥吸收海鮮、配料嘅精華,更加入味。調料店員快手上左粥水,然後陸續上海鮮、配料。以下為兩人份:肉蟹肉蟹一隻,粥底入味與否,蟹嘅新鮮程度好重要,食過其他嘅粥底火鍋,好多時用花蟹、水蟹咁,相對黎講,個人認為肉蟹更加正。蟹肉多、肥厚,又有膏,令及後粥底更加鮮味海蝦每人兩隻海蝦,十分生猛,不停扎扎跳,落鍋都要小心,新鮮蝦點會唔好食,爽口,如果份量多啲更好,哈哈鮑魚雖然以前食,啲鮑魚係新鮮到會郁的,而家唔郁,但其實尚算新鮮,而且好大隻,淥5-6分鐘食得,要留意時間,否則會韌。黃金蚌、貴妃蚌鮮甜多汁花甲每人都有6粒,乾淨冇沙,鮮味十足。沙白吐沙乾淨,約有十隻,雖然細隻,但肉質飽滿。當食哂海鮮,就可以粥底配料,包括南瓜粒、芋頭粒、粟米,份量大方。自選配料八款,中規中矩,我地偏好選擇肉類,令粥底更加濃味美國肥牛質素唔差,唔會太肥或過瘦。西班牙黑毛豬梅頭肉手打雞骨丸每次都會點的,脆口又爽花枝丸、魚片頭午餐肉、台灣香腸油炸鬼雖然唔係即炸,但粥底去到呢個階段已經好入味,配油炸鬼一流。店員送上粥底、芫茜、豬油渣、冬菜等,並會幫客人熬煮,唔會馬虎,先壓碎南瓜粒、芋頭粒成蓉,粥底更綿因為另外點左飲品,人均消費約二百多啲,整體黎講,我都仲係覺得好抵食,畢竟有海鮮,稱得上新鮮。服務方面,我亦都覺得合格有餘,過程中不停收碟,以防枱面太狹窄;亦都處理粥底。雖然佐敦店面積唔算大,但以呢個價錢,我通通可以接受。並非經常會去食粥底火鍋,但偶然想食海鮮,兩口子又懶得去買、煮,鍋心係其中一個選擇 繼續閱讀
(以上食評乃用戶個人意見 , 並不代表OpenRice之觀點。)
等級1 2018-09-21
24 瀏覽
啱啱嚟到附近,八卦緊有乜好食,平時鍾意打邊爐我,今次表妹介紹呢個粥底邊爐幾好喎,咁唔啱就係我停咗車嘅對面, 見到一大堆人喺度排隊,就來想碰碰運氣有冇位,因為聽說他要訂座的,好在有位即刻坐低試試,首先有蟹同埋貝殼類,開咗個粥底,俾你選擇五款海鮮類,包括蝦、蟹、鮑魚、貝殼類等..海鮮食材新鮮,仲有八款配菜選擇,一樣咁新鮮,有准山、花膠仔幾特別,出單都快手,最細心係有每種食物煮的時間,有個個計時器比你用,非常細心,員工服務都好好,會再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-13
288 瀏覽
天氣開始轉涼了,打火鍋是最好的選擇。很久沒來鍋心了,喜歡它是粥底火鍋,配海鮮吃,特別清甜。今次去了佐敦分店,地點在吳松街,美食街集中地,在酒店隔離。加上朋友第一次來香港,順便帶她去廟街走一趁,見識下香港特式的夜生活。同平時的火鍋不同,有很多指引,恐怕顧客不懂烹調,真的非常細心。 海鮮的品種很多,選擇了鮑魚,大海蝦,肉蟹,多寶魚,花甲,黃金蜆等海鮮。當天特價海鮮,有蟶子皇,30元兩隻,超抵吃,沒有沙,我們叫了兩份。還有七款自選配料,最好吃是自家製手打雞骨丸,將雞軟骨打成細細粒,拌埋雞肉,好有咬口,真的只有鍋心才有得吃,別處未食過。黑毛豬梅頭肉,美國肥牛,花膠仔,響鈴卷,魚皮餃,王芽白。最後吃到尾聲,梗系輪到鮮味十足的粥出場,超滋味,白粥變了有味粥,但沒有味精的,妙絕。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-13
177 瀏覽
舊同事生日選擇左呢間餐廳,用餐時間6至830,或者830至11。平日食飯當然要 早啲嗰時間啦 打工仔聽日又要返工 未order嘅時候佢哋已經放低咗一碟蟹同埋一碟硯, 跟住之後就可以揀五款海鮮 同埋八款其他材料 海鮮方面我哋揀咗蝦魚花甲 天鵝杯同埋鮑魚 再嚟響鈴牛肉豬肉雞肉 金菇 魚皮墨魚丸 魚皮, 每位200大元免收加一 本小姐初初以為會畀啲普通嘢 完全諗唔到 所有海鮮 係超新鮮 首先講下隻大肉蟹 多肉隻蟹鉗勁大隻 話說 本小姐徒手將啲大肉蟹放落鍋粥裏面 跟住個其中一個姐姐 好緊張 行埋嚟叫我唔好用手呀 啱啱先斬開咗仲識旭 小姐0.01秒 即刻放手 真係好危險其他海鮮相繼上台 啲蝦超生猛佢哋要用另外一隻碟 冚住以防佢哋跳出嚟 點知佢哋應該真係得冚唔好 有兩隻跳咗出嚟 同行嘅女士們都 大叫 跟住再嚟碟魚 真係估佢唔到竟然俾條超新鮮嘅多寶魚我哋本小姐咁大個女 都係第一次打邊爐食呢隻魚 食落滑捋捋 我估應該有好多omega-3跟住其他 配料都上啦。雞肉牛肉豬肉都係好新鮮, 墨魚丸都好彈牙, 魚皮夠薄身 跟住差唔多八點鐘嘅時候其實我哋 仲有好多嘢未食曬 佢已經叫我哋快啲食然後要 加啲粥落去 時間超緊迫 點解?? 因為 餐廳已經講明要我哋最遲六點半 要到 本小姐嘅舊同事都係遲到大王 佢哋 成七點幾先到 人哋下一輪真係準時八點半開始的 所以食到超趕 我都淺嚐咗半碗粥 真係超好味 所有海鮮嘅精華都落曬裏面 好啦臨急臨忙喺身諗住走人啦 竟然唔記得食喺我隔離嗰啲響玲 唯有叫其中一位打包回家啦整體嚟講 呢度啲嘢食真係超新鮮,尤其是係啲海鮮 ,座位真係有少少逼迫的 不過佢嘅性價比真係超高 真係值得推介 一定會再嚟 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-09
181 瀏覽
天氣稍為涼咗少少🌬 #小秘書 班「邊爐腳」已經蠢蠢欲動,安排飯局👀 今年打響頭炮嘅係 鍋心粥底火鍋 - 佐敦 店🍻 其實 #小秘書 聽就聽過呢間餐廳個名好耐,但係幫襯就係第一次。#鍋心 嘅海鮮選擇唔多,今日羔蟹做咗主角😋好飽肉又多羔,仲有好生猛嘅鮮蝦同鮑魚💦 其餘嘅都以貝殼類為多🐟🦐 我仲以為用粥水滾熟哂啲海鮮,個粥底會好甜... 不過唔知係咪我哋一邊煮嘅時候,服務員一邊幫我哋加咗幾次粥水,搞到愈煮愈無哂啲鮮味😌 臨尾嘅時候,服務員仲加送咗一碗「杰撻撻嘅豬骨粥底」+鍋心五寶「豬油渣、芫荽、菜脯粒、大頭菜、冬菜」 落煲粥入邊搞勻... 但係味度都係爭咁啲,朋友仔仲誇張到要加啲豉油落粥釣味😅🤣 成煲粥真係好淡口!不過加埋飲品都係$230@ 算係ok啦! 繼續閱讀
(以上食評乃用戶個人意見 , 並不代表OpenRice之觀點。)