柏景餐廳 (已結業)

今日係我同男朋友三週年紀念, 男朋友未食過自助餐, 所以諗住揾間好d既,又effort得起既同佢去食. 同事介紹cafe on the park, 加勒比海鮮燒烤自助餐, 聽個名都幾ok, 而且酒店自助餐, $278(7折) 都咪話唔抵! 決定一試!最靚既海鮮都o係哂冷盤, 有蟶子,青口,蝦,蟹腳同螺. size都ok,但始終係冷盤, 無乜味, 亦唔係好鮮, 蟹腳"梅"的.壽司都係得好少款,都係d腐皮壽司同加洲卷等平野.一早已經無哂吞拿魚刺身, 唯有食三文魚刺身!熱盤簡直激死我, 無野食既, 而且又無咩靚野, 都係超級普通既野, 不提也罷! 無錯,係有蝦同蟹, 但味道一d都唔出色, 大排檔好味過!仲有炸魷魚so,嘩, d面粉大舊到呢,揾唔到舊魷魚呀!最後我同我男朋友攞左都無食到!燒烤都ok好味既,d蝦好大隻, 有口感, 但除了蝦, 就只有腸仔, 雞翼同pineapple,而且好早就無哂!最後食甜品先係超失望, 本人最鐘意食甜品, 以為酒店甜品應該高水準d, 點知原來係巴西燒烤既quality, 好無誠意, 又無款, pancake只係得香蕉同罐頭雜果, 有無搞錯! 最貴都係d Haag