影片
更多
2023-05-07
16 瀏覽
好耐冇去台灣，今晚就去食返餐台式火鍋回味一下台灣嘅味道。～✨佢哋有兩款湯底幾經掙扎之後決定兩款都叫晒，一個鴛鴦鍋，一黑一白，一辣一酸，可以一次過滿足晒兩個願望。麻辣鍋裏面嘅鴨血可以不斷encore，好厚身之餘，亦好滑溜，加埋滷水豆腐，呢兩樣嘢加埋酸酸甜甜嘅酸菜，同埋白飯，可以不斷任食，其實已經值回票價。～✈️佢哋仲有好多台灣直送嘅材料，例如手工三色滑（蝦滑、蟹滑、瑤柱滑等等），仲有我超鍾意嘅台灣直送老油條、排骨酥等等，等客人唔使飛台灣都食到。～🦐推介大家一試佢哋嘅上選海鮮拼盤 （$298），裏面有齊珊瑚蚌、海蝦、桂花蚌、花枝同扇貝等等，整體質素都好好，鮮甜非常，食得出係好新鮮。搭配上一杯三得利白生啤 （$96 700ml）感覺非常爽。仲有我哋食嘅時候，唔小心發生一段小插曲！就係有一隻蝦唔小心跌咗落地，然後店員竟然幫我地換一隻，仲擺埋盤好靚咁比返我地，服務態度好加分！～🐷肉類方面，佢地選擇好多，不過同行朋友唔食牛肉，我地就叫咗梅花豬肉拼去骨雞髀肉 （$128），梅花豬肥瘦均勻，豬肉味濃，去骨雞髀就非常嫩口，兩款都不錯。～～～鼎王麻辣鍋 (金巴利道) (尖沙咀)尖沙咀金巴利道26號地下5號舖
～
✨佢哋有兩款湯底幾經掙扎之後決定兩款都叫晒，一個鴛鴦鍋，一黑一白，一辣一酸，可以一次過滿足晒兩個願望。麻辣鍋裏面嘅鴨血可以不斷encore，好厚身之餘，亦好滑溜，加埋滷水豆腐，呢兩樣嘢加埋酸酸甜甜嘅酸菜，同埋白飯，可以不斷任食，其實已經值回票價。
～
✈️佢哋仲有好多台灣直送嘅材料，例如手工三色滑（蝦滑、蟹滑、瑤柱滑等等），仲有我超鍾意嘅台灣直送老油條、排骨酥等等，等客人唔使飛台灣都食到。
～
🦐推介大家一試佢哋嘅上選海鮮拼盤 （$298），裏面有齊珊瑚蚌、海蝦、桂花蚌、花枝同扇貝等等，整體質素都好好，鮮甜非常，食得出係好新鮮。搭配上一杯三得利白生啤 （$96 700ml）感覺非常爽。仲有我哋食嘅時候，唔小心發生一段小插曲！就係有一隻蝦唔小心跌咗落地，然後店員竟然幫我地換一隻，仲擺埋盤好靚咁比返我地，服務態度好加分！
～
🐷肉類方面，佢地選擇好多，不過同行朋友唔食牛肉，我地就叫咗梅花豬肉拼去骨雞髀肉 （$128），梅花豬肥瘦均勻，豬肉味濃，去骨雞髀就非常嫩口，兩款都不錯。
～～～
鼎王麻辣鍋 (金巴利道) (尖沙咀)
尖沙咀金巴利道26號地下5號舖
張貼
