影片
更多
2018-07-03
2720 瀏覽
之前都知道呢一間buffet係好難book, 試過打電話去book了一個月後先有位, 重要就係落按金先，保証你出席。今日見到下雨天仲係黃色暴雨，突然之間興起，就打電話去問下。 Hotel icon接線生好有禮貌， 亦都好感恩有位， 馬上訂枱。 tea buffet由3點15分至到5點15分， 去到嘅時候門口已經有好多人聚集梳化為亦都已經坐滿人等候入坐 。 發現到原來貓山王制甜品，係非常之好食㗎。用貓山王做班蘭卷，仲有貓山王做芝士餅， 貓山王奶凍，貓山王撻 ，真係林林總總，好開心👏 味道仲好好味添。 片皮鴨唔掂，好蘇入口，隻鴨處理得唔好， 肉切割得又大又厚肉， 更加唔好食。 有一鍋海鮮粥，鮮粥真係兒時味道，食完都冇口渴， 好多客人都不停添食添粥， 值得一試。 有熱狗啦有班蘭多士，有麵檔，日本魚生， 有三文魚、八爪魚、青魚、吞拿魚。 八爪魚超硬，三文魚都可以, 青魚又係好腥。 亦都有韓國炸雞件，印度咖哩角，港式叉燒酥，炸春捲，fish and chips，海鮮counter，就有長腳蟹、蜆、青口、 中國小龍蝦仔、魷魚， 蜆有好多沙， 長腳蟹第一輪就好好食，第二輪個長腳蟹 蟹腳好似浸過水，
海鮮counter，就有長腳蟹、蜆、青口、 中國小龍蝦仔、魷魚， 蜆有好多沙， 長腳蟹第一輪就好好食，第二輪個長腳蟹 蟹腳好似浸過水，出水，冇味道一啲都唔好食。 其他嗰三樣都係一般。 亦有一個奶茶檔 用黑白淡奶沖嘅奶茶做得好飲奶茶及 越南滴滴咖啡， 兩款都好好飲， 越南咖啡豆嗰種濃度香味冇得頂。 麵檔，墨魚丸、魚蛋都好腥，一D都唔好食， 仲見到有扎肉、牛丸、貢丸、 金菇、蔬菜、烏冬、油麵 ，但係都冇再試啦。 酒店好多時西瓜都好好食，但係唔知點解hotel icon西瓜唔好食，可能係大陸西瓜，非常之多渣，又唔甜，又唔好味道。水果有火龍果、奇異果、柑。 仲有一個沙律吧。 整體嚟講355蚊一位再加一 ，都 可以接受。有貓山王 榴槤做糕點 ，大部分都好好食 。
張貼