古今二 (The ONE)

營業中

休息中

今日好開心 約咗好耐冇見嘅朋友，搵間日本餐廳食吓，行行下商場見到呢間裝修幾別緻，坐得舒服， 於是試吓 首先上枱嘅係呢個芝士年糕，估唔到口感可以咁豐富， 外面非常薄嘅一片脆皮， 入面係鬆軟而且入口就融嘅年糕，一啲都唔痴牙， 而且入面芝士流心， 多重口感 跟住係大阪自家製炸雞， 分量都唔細， 而且脆皮炸得好好， 大大件 仲有呢個黑豚荔枝捲串燒， 細細份， 五花腩包住荔枝， 味道新穎， 多重層次， 算係幾特別 而我最鍾意就係食卷物，呢個青龍捲 鰻魚新鮮， 加上厚厚嘅牛油果包住外層， 口感好滑而另外呢個彩虹捲就更加豐富 ， 淨係睇過外型同顏色就知道， 三種魚嘅刺身都新鮮， 加埋牛油果賣相好靚