貘記 (已搬遷) 新店位置

一直想嚟呢度好耐，但每次都夾唔啱時間。星期六嘅下午，等食晚飯，一個人戇居居就上嚟睇吓啦！去完睇“舊課本展覽室”，落嚟嘆杯茶食件餅環境：一入嚟就好似去咗舊香港咁，舊傢具、碗碟、書、梳妝檯，開住小學果陣最討厭嘅吊扇(而家不知幾咁鍾意)。呢度係雜貨店、展覽館，亦都係cafe。賣嘅精品好多係店主去旅行買嘅嘢，本身唔係cafe，但係香港人太鍾意食嘢，呢度環境咁好，唔嘆杯茶食件cake又真係對唔住自己噃特製伯爵紅茶：市面上嘅伯爵紅茶多數係噴香精喺茶葉上，呢啲用上小農種植嘅有機茶葉加上有機香油，清幽嘅香油更能將天然嘅茶葉香氣散揮得淋漓盡致。茶的確冇出面果啲咁濃烈，甚至乎係我飲過最啖嘅伯爵茶，就算擺耐咗濃咗啲，都依然令你感覺唔會飲完之後當晚會瞓唔著。記住問店長攞蜂蜜呀，落啲蜂蜜後更覺清甜黑糖香蕉磅蛋糕($33)：劈頭就問店主，啲蛋糕係咪你哋自己做㗎？佢話，唔係我哋做㗎。心諗哎呀，係你買返嚟之後賣㗎？好在唔係，原來係佢朋友做嘅，放心晒。嚟得呢啲地方，點可以賣一啲通街都買到嘅蛋糕㗎！叫佢做蛋糕，不如叫佢做麵包會更貼切，麵包上有一塊薄荷葉點綴。麵包叮熱過但唔會過火，只會暖暖哋。香蕉味比想像中淡而且有啲乾，飲