Jan Jan 串揚專門店 (尊豪坊) (已結業)

呢排心情唔係咁好，要對自己好啲，所以lunch time去食日本野，我知道尖沙咀開咗間食関西炸串嘅，一於去試下啦🤗一上到去，餐廳環境乾淨企理，服務態度唔錯，仲見唔少日本人嚟食添！佢地嘅lunch menu有唔少選擇，有串炸同蛋包炒麵，雖然好想食蛋包炒麵，但係串炸又好吸引，自己又未食過，所以都係叫咗串炸套餐我叫咗個4串嘅套餐，雖然只得4串，但係除咗串炸，仲有好多串燒可以選擇，仲有主菜同飲品，所以都ok嘅！串炸我要咗沙甸魚同茄子，另外串燒要咗豚肉同雞胸軟骨，主菜就選擇咗三文魚燒飯糰茶漬，我仲另外叫多串海膽湯菜卷串炸添！串炸因為脆漿好薄，所以都唔算油膩，仲可以食到食材嘅鮮味，海膽湯菜卷好好味，因為海膽好新鮮，串燒都好出色，燒過嘅肉都保存住肉汁！主菜係我喜愛嘅三文魚飯糰茶漬，食完炸物食，特別清新！甜品我另外叫咗柚子雪葩，清新嘅柚子味，食完成個人refresh晒！