老廣靚湯 (已結業)

位置有啲偏僻嘅茶餐廳，唔係有人帶都唔會留意到呢間鋪頭。外表睇真係好似普通茶記，但其實佢主打老火湯同煲仔飯，留意返一般茶記嘅炒粉麵飯係無得賣嘅。佢餐牌係寫石鍋飯，其實就即係煲仔飯。今次點左油鴨肶煲仔飯、蝦乾豬頸肉煲仔飯，個飯底好好食，軟硬適中，加埋甜鼓油，唔會太咸又夠香，啲飯焦都好適量，唔會焦到黑色咁，又唔會成煲飯都係飯焦，薄薄一層油鴨肶係好食嘅，不過就普通左啲。豬頸肉就特別啲，佢地自己調味，食得出有陣酒味，好香整體黎講佢個煲仔飯好食過好多所以排隊名店，而且服務態度好好，絕對會再幫襯！