影片
更多
2021-09-24
819 瀏覽
偷懶咗好耐無寫食評啦, 今日又食到好味嘢, 所以寫返編食評紀錄吓。今次買咯咯雞炸雞外賣, 我買嘅係原味, 荒死唔夠飽, 再加多個炸雞芝士飯卷, 好似饑荒咁 🤪 我都服咗自己 😅天氣咁熱, 諗住買返公司涼住冷氣慢慢嘆炸雞, 但不抱太大祈望, 預咗外賣唔會脆。我買嘅係 1/3 份, 一打開外賣紙盒, 有成五件炸雞, 份量都算多, 雖然行到返公司再消毒埋雙手已經過咗 10 分鐘, 但店家用鍚紙舖喺盒底, 唔會印晒啲油出紙盒令成盒炸雞出倒汗水而腍晒, 而且仲係熱嘅, 入面有雞中翼同雞膇, 仲有好厚肉嘅無骨雞胸, 真係啖啖肉。 咬落去, 首先食到嘅係好脆嘅外皮同一浸薄薄嘅炸粉, 雞肉好 juicy 亦有雞味, 亦醃到岩岩好, 唔會太咸, 真係香脆可口, 好好味。另外, 買咗個炸雞芝士飯卷, 返到上公司, 成條飯卷仲熱熱地, 即係店家係即叫即做, 每卷飯卷入面嘅芝士仍有少少拉絲效果, 飯卷亦有包蔬菜, 畢竟係飯卷, 所以入面嘅雞唔算好多, 而味道方面, 相比起炸雞就比較平實, 但仍有少許芝士味, 配埋入面嘅雞, 味道同口感都比一般只有蔬菜嘅飯卷豐富, 食完成條飯卷, 再加埋盒炸雞, 真係超級飽,
今次買咯咯雞炸雞外賣, 我買嘅係原味, 荒死唔夠飽, 再加多個炸雞芝士飯卷, 好似饑荒咁 🤪 我都服咗自己 😅
原味韓式炸雞 & 炸雞芝士飯卷
$87
41 瀏覽
0 讚好
0 留言
天氣咁熱, 諗住買返公司涼住冷氣慢慢嘆炸雞, 但不抱太大祈望, 預咗外賣唔會脆。
我買嘅係 1/3 份, 一打開外賣紙盒, 有成五件炸雞, 份量都算多, 雖然行到返公司再消毒埋雙手已經過咗 10 分鐘, 但店家用鍚紙舖喺盒底, 唔會印晒啲油出紙盒令成盒炸雞出倒汗水而腍晒, 而且仲係熱嘅, 入面有雞中翼同雞膇, 仲有好厚肉嘅無骨雞胸, 真係啖啖肉。 咬落去, 首先食到嘅係好脆嘅外皮同一浸薄薄嘅炸粉, 雞肉好 juicy 亦有雞味, 亦醃到岩岩好, 唔會太咸, 真係香脆可口, 好好味。
另外, 買咗個炸雞芝士飯卷, 返到上公司, 成條飯卷仲熱熱地, 即係店家係即叫即做, 每卷飯卷入面嘅芝士仍有少少拉絲效果, 飯卷亦有包蔬菜, 畢竟係飯卷, 所以入面嘅雞唔算好多, 而味道方面, 相比起炸雞就比較平實, 但仍有少許芝士味, 配埋入面嘅雞, 味道同口感都比一般只有蔬菜嘅飯卷豐富, 食完成條飯卷, 再加埋盒炸雞, 真係超級飽, lunch time 後不久已經飯氣攻心, 覺得眼瞓 💤
總括, 店家炸雞同飯卷都係新鮮, 即點即做, 亦有心思用鍚紙墊底令炸雞保持溫度同脆度, 而飯卷亦不錯, 會再幫襯。
張貼
