幸屋

營業中

休息中

一路搵緊好食既沾麵，幸屋係其中一間我覺得值得一試既。特濃味噌廣島蠔沾麵欣賞有得揀熱/凍麵！食沾麵正路都揀凍麵，一冷一熱先正咖嘛🤤熱麵我都試過，凍麵會有口感啲。味噌湯都算濃郁，好容易就掛到麵，熱度都夠，如果可以多啲湯就好喇，因為食到尾個湯都幾乎冇晒。蠔size就一般，有3隻，溏心蛋好味😋食到咁上下可以加小小生蒜、辣油、檸檬汁落個湯，即刻變左第二種風味。蒲燒鰻魚丼幾靚仔，鰻魚份量都幾多，加埋個溫泉蛋撈飯食當然係正。朋友話可以多啲鰻魚汁。炸雞中上水準，有肉汁熱辣辣，唔錯。