壽喜燒 樹

營業中

休息中

壽喜燒有分關東同關西風，今日朋友話帶我去尖沙咀食正宗關西風嘅壽喜燒🤩嗰度好隱秘，係間公寓嘅隔離撳鐘先會自動開門俾你🫢入到去別有洞天，估唔到嗰日八點去都仲有好多人🌞我哋叫咗壽喜燒套餐樹$930pp，超豐富又好食🌟✨和牛壽司上面有海膽好鮮味。✨燒粟米豆腐(?)呢個勁好食🤤甜甜地嘅粟米下面係好似豆腐咁嘅質地，但係係脆皮嘅入面都有少少粟米粒。✨茶碗蒸呢個茶碗蒸係凍嘅都幾滑。✨Sukiyaki🤩京都姬牛肉眼、西冷各1關西風嘅壽喜燒就係會先落糖落煮熱咗嘅鍋，跟住再放肉喺入面，然後再落壽喜燒汁係比較似用汁煎熟佢。味道會比較香同埋濃郁。牛肉眼同埋西冷油脂分布好靚，食落去充滿油香。🤩熊本A4和牛牛肩肉味濃啲冇咁多油脂，口感更加結實。兩款牛肉我都推薦大家可以試少少牛肉原本嘅味道，另外可以試吓點蘭王蛋漿咁樣個味道會冇咁濃郁，感覺平衡啲。另外仲有日本野菜，有京都燒豆腐同埋麵筋，淡路島洋蔥冇咁辛口冇咁辣味甜少少。最後仲有日本蒟蒻，好似粉絲咁點埋七味粉，超級惹味。✨和牛蛋炒飯炒得好香，而且啲蛋好滑飯又充滿壽喜燒汁嘅味道同埋和牛油脂香。✨最後甜品係北海道牛乳奶凍加芒果醬再加蕨餅。