影片
港鐵尖沙咀/尖東站 P3 出口, 步行約9分鐘
繼續閱讀
電話號碼
92502480 (WhatsApp)
開飯介紹
型格時尚的席前壽喜燒主題店，由日藉廚師主理，炮製傳統關西風高級和牛壽喜燒，更以日本三大和牛之一的近江牛等高質牛肉入饌，鮮味十足。
繼續閱讀
營業時間
今日營業
12:00 - 15:00
18:00 - 22:00
星期一至二
12:00 - 15:00
18:00 - 22:00
星期三
全日休息
星期四至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
最近試咗間優質壽喜燒急不及待要推介俾大家✨✨一知道餐廳由前Sukiyaki Mori 師傅主理即刻book位去食相比之下呢度一定比較易book位氣氛亦相當好🍻全店以Bar枱形式設計師傅會席前烹調👨🏻🍳晚市有2款套餐或Omakase 選擇我哋最後揀咗「Sukiyaki Set "Itsuki" “樹” ($930)」試吓先～1️⃣和牛海膽壽司2️⃣日本六品蔬菜沙律3️⃣️蜆肉茶碗蒸頭盤壽司嫩滑火炙和牛配海膽香濃美味日本六品蔬菜相當新鮮爽口配沙律醬食味道鮮甜茶碗蒸蜆肉幾鮮蒸蛋則屬正常滑溜水準4️⃣️京都姬牛肉眼1枚5️⃣️京都姬牛西冷1枚6️⃣️熊本「和王」牛肩2枚試勻3款不同部位🥩師傅安排味道由淡至濃層遞漸進食到最後嘅牛肩肉味好濃郁和牛生熟度控制得剛好👍🏻顯得出師傅功架👨🏻🍳牛肉好優質脂肪分佈均勻❤️❤️煮得嫩滑再沾香濃蘭王蛋漿🍳呢個套餐嘅和牛比我之前食過嘅餐廳份量更多🆙喜歡牛肉嘅朋友一定大滿足❤️7️⃣️日本野菜盛合用壽喜燒汁烹調蔬菜好入味🥬尤其是洋蔥清甜零苦澀味🧅幼細蒟蒻麵口感Q彈👍🏻加七味粉或沾蘭王蛋漿都各有特色😋8️⃣️壽喜燒汁滑蛋飯師傅技巧地將蛋黃蛋白分離橙橙白白混起來顏色更吸引滑蛋軟身伴和牛🍳食完和牛壽喜燒雖然已夠飽但呢碗滑蛋飯真係不能錯過✨9️⃣️甜品「自家製芒果奶凍」用香濃日本牛奶製作芒果酸酸甜甜令味道更清新🥭「大吉嶺茶雪糕最中餅」茶味突出☕️兩樣都好味要一口氣試晒就最滿足🥰總括呢個套餐一定滿足到和牛控高質而對得住價錢從食物可見師傅嘅用心同功架師傅及店員服務亦有禮確係值得一試🫶🏻
繼續閱讀
今日朋友生日就去咗呢一間尖沙咀嘅壽喜燒同朋友慶祝我哋約咗四個人，去到亦都好快就同店員確認咗之後就入到去🙈🙈 依家間餐廳入到去已經非常香，望到都覺得非常想食！比較推介佢嘅牛肉壽喜燒，個人嚟講，最鍾意食佢嘅牛肩肉，覺得佢嘅味道比較香濃，而且肉質亦都非常鮮嫩，入口唔會話有一個好油膩嘅口感，再加埋本身日本嘅雞蛋，成個入口嘅口感更加滑🙈🙈 而且我都非常鍾意實佢本身嘅肉質同埋口感！最後加多個壽喜燒汁蛋飯真係非常飽，差啲食唔晒🙈🙈 價錢嚟講就唔算特別平，不過整體服務質素我覺得都還可以🙈
繼續閱讀
今日同朋友去咗尖沙咀壽喜燒樹食晚餐，晚餐$780，以而家個市道嚟講算係高價。但係食完之後，覺得食物質素、環境、服務都對得起個價錢。套餐有前菜、蒸蛋、三片和牛（肉眼、西冷、牛肩）、和牛滑蛋飯、甜品、麵豉湯。 前菜蒸蛋等正常發揮，三片和牛非常高質。佢哋用京都姬牛同埋熊本和王和牛，油脂好香、肉味濃郁。我本人認為和牛一定要經過高溫洗禮先至可以迫到香濃嘅油脂出嚟，呢間餐廳用關西風去煮，所以加壽喜燒汁之前會煎一煎塊和牛先，所以就做到呢個效果。每塊和牛都好大片，點埋蘭王蛋汁，再配埋白飯，啖啖邪惡大滿足！位置上係坐吧枱，可以睇到師傅烹調，服務都唔錯，侍應上菜斟茶反應夠快。由於每片和牛煮完要即刻熱辣辣咁食，所以整個用餐過程比較快，但我哋就冇乜所謂，嘢食好味就OK。
繼續閱讀
-預約咗8/8晏晝，同行三位叫咗$600 「樹」set。到咗餐廳坐低冇耐，講緊5分鐘都冇就上咗前菜。諗住可以唞吓傾吓偈先開始食嘢，點知侍應一嚟就講「快啲開始食啦 唔食完前菜唔會上壽喜燒」 聽到呢句都其實好shock 估唔到去間餐廳會俾人催食嘢。-然之後到開始上壽喜燒，個侍應姐姐又講咗一句「飯可以任添嘅，但係唔好食咁飽，最後仲有個蛋飯」直到中間，同佢哋講唔需要再添飯，點知連個飯碗都俾人哋收埋，講緊嗰陣仲有幾舊壽喜燒未食，唔知以為佢哋趕收工。-同行人有一位唔食洋蔥，咁因為啱啱到餐廳嗰陣趕唔切回覆阿侍應姐姐，最後都係上咗個洋蔥嘅。咁同行人冇食過，就咁俾返個廚師。結果得到侍應呢一個回覆「下次唔食洋蔥早啲講 原本可以俾另一個餸你」 聽落嗰下真係覺得好似俾人鬧緊咁。再者，我哋以為餐廳會明白我哋將嗰個碗擺返上近廚師嗰個位，代表我哋唔要嗰個碗。廚師竟然喺煮下一個壽喜燒嘅時候，將嗰嚿牛肉擺喺個洋蔥上面。我哋同阿師傅講，可唔可以換另一個碗我哋個洋蔥唔要啦。得到佢嘅回覆係「唔要嘅唔係擺喺度，擺返喺你枱面。」然後將嗰隻有洋蔥嘅碗一下抌落枱面。同行人見到都非常震驚。-除咗以上之外，我都好震驚一間咁嘅餐廳，侍應會喺冇諮詢食客仲需唔需要嗰個碗或杯嘅情況底下，直接伸隻手埋嚟拎走佢。仲要多次碰撞到同行人。-沒有介紹煮法沒有介紹食法沒有更換食具食物質素原本係唔錯，但係有呢啲咁嘅服務，真係無謂俾嗰少少錢買難受。實在係一次失望嘅午膳經驗。-
繼續閱讀
終於抽到時間嚟試呢間餐廳點知撞上咗多啦A夢無人機表演尖沙咀大塞車我同行四位朋友各路過來都堵塞途中餐廳有表明遲過20分鐘不接生意女經理喺我遲9分鐘嘅時候打俾我我解釋我已經去緊sorry，跟住佢cut我線WhatsApp 仲語帶諷刺話週末係要預多啲時間🙂😊我知道遲到，問準咗佢OK先食四人分別到達嘅時候都有面色睇（如果你唔想做生意可以唔做，唔使俾面色我哋睇，但又接我生意）因為時間不足，只能係食最平嗰set$9xx 講真，食物真係好一般，性價比麻麻最後結尾個飯咸到不得了，好有當年喺Mori食嘅感覺…(果然係前chef )就算冇呢個女職員，我諗唔會回頭再食，香港sukiyaki 選擇唔少，而家市道更加不應該受氣#題外話幾日後同朋友閑聊，佢喺大半年前食完，仲話女經理態度咁差仲喺度做緊？我都想問😅
繼續閱讀