阿木台灣麵 (廣華街) (已結業)

好耐冇去旺角呢頭，之前都聽好多朋友介紹過阿木台灣麵，今日一於試吓呢間黃店！我就去咗豉油街呢間新分店啦！一入到去就見到有個特價$36嘅下午茶餐，好抵食！不過我想食牛肉麵所以就冇嗌呢個套餐。主食：蕃茄牛肉麵 ($65)第一啖食落去呢碗牛肉麵嗰陣，咪埋隻眼有種去咗台灣嘅感覺！牛肉都有五大嚿，絕不吝嗇！個面同埋啲牛肉都好淋，口感唔錯。蕃茄湯有好濃郁嘅蕃茄味，仲有啲蕃茄添！下次再嚟試吓個紅燒湯底先！小食：鹽酥雞 ($38八件)、芝士肉鬆蛋餅($42六件)食台灣嘢點樣可以唔食小食呢？好掛住台灣嘅蛋餅，以前去旅行日日早餐都係食蛋餅。肉鬆令到蛋餅嘅味道更加豐富，肉鬆味道比芝士味更出。至於鹽酥雞，呢度有鹽酥雞調味粉， 津津有味。有啲有雞皮有啲冇雞皮。飲品：芝士岩鹽奶蓋四季春青茶 (原價$38)跟餐嗌嘢飲半價，所以只係$19！今時今日台灣嘅飲品而家做到成行成市，係香港一街到係。嚟到呢間台灣嘢食專門店當然要試一試啦！個奶蓋份量適中，味道好豐富。下面個茶呢就偏甜，但係呢度淨係可以微甜可以走甜。我覺得烏龍茶係甜過純春青茶嘅！總括而言，嘢飲就係鹹鹹地甜甜地。