名館 (已結業)

希慎廣場有好多好野食，當中更唔少擁有靚景嘅餐廳。呢間“名館”‘主打嘅就係酒樓美食，唔同嘅係小食都整得好精緻，真係又睇得又食得。柚子大蝦（$88）酸酸甜甜好開胃，而且炸粉適中唔會太厚，d蝦大大粒又新鮮，爽口又有彈性。京川汁伴秋葵（$58）秋葵好新鮮，呢味餸係涼拌嘅，一咬落去入面嘅汁液嘅刻溢出，秋葵唔會好粘，反而係好爽脆清新，夏天食消暑一流。宮廷點心盤（$188）真係冇改錯名，點心盤賣相好華麗，有中有西式。個乳酪杯都好好食，而個兔仔入面係紅豆蓉黎，個黑色包好似係流心奶黃包，食嘅時候要小心，因為包入嘅奶黃熱辣辣，一嘅小心隨時射到成身都係。