漫花燈火 OMG (已結業)

今日朋友搵咗間好靚嘅餐廳，無論係餐具、環境、食物賣相都係一流。我哋首先叫咗個黑松露薯條，啲黑松露醬好好味，不過就唔係好掛到落啲薯條度，有啲黑松露醬同薯條分離嘅感覺。我就叫咗個士多啤梨奶昔，佢cream好似一舊雲，上面嘅珍珠仲可以食用，奶昔味道好濃郁，影相打卡一流。主食方面，我哋叫咗個雞牛肝菌意大利飯，佢啲菇有啲奇怪，啲菜有啲草青味，感覺似去野外摘d菜同菇黎食。餐具好靚，好有波斯風格。環境令人賞心悅目。