影片
更多
2020-10-30
1030 瀏覽
約咗朋友去美孚新邨買鳥結糖，順便一齊食晏。講真，其實平日絕少會嚟美孚搵食，所以真係無乜心水，好彩朋友一早做定功課，上網搵咗間抵食嘅點心店。估唔到入面地方都幾大，門面同裝修都好有格調，加上我們被安排坐在一張靠窗的四人檯，自成一角，感覺特別舒服。先睇點心紙，點心嘅選擇雖然唔夠茶樓多，但其實都唔算少，有蒸點類、腸粉類、煎炸類、粥飯類、甜點類、湯類、菜類，另外亦有一些小食同廚點供應。揀咗兩款蒸點、炸物及盅頭飯。先吃蟹子黑毛豬燒賣 ($31)，燒賣選用了黑毛豬肉去製作，肉質彈牙爽脆，感覺特別鮮甜，食落充滿肉汁，配上面頭的蟹籽，更添咬口。露筍鮑魚鳳眼餃 ($34) 造型非常精美，面頭放咗露筍同原隻鮑魚，賣相貴氣！餃皮晶瑩剔透、厚薄適中，蝦肉彈牙味鮮，加上鮑魚嘅香味和煙韌質感，兩者非常雙襯，配上鳳眼餃的外型，絕對是一道色香味俱全的點心。牛油果蒜香蝦春卷 ($26) 平日食春卷，餡料不外乎蝦同新鮮豬肉，不過呢度就比較有創意，加入咗健康的牛油果，入口香脆得來又帶點清新，每一啖都食到所有配料。平日去飲茶都幾鍾意點盅頭飯食，呢度嘅鳳爪排骨飯 ($28) 味道亦唔錯，鳳爪骨肉分明，入口軟滑有彈性，排骨入
約咗朋友去美孚新邨買鳥結糖，順便一齊食晏。講真，其實平日絕少會嚟美孚搵食，所以真係無乜心水，好彩朋友一早做定功課，上網搵咗間抵食嘅點心店。
估唔到入面地方都幾大，門面同裝修都好有格調，加上我們被安排坐在一張靠窗的四人檯，自成一角，感覺特別舒服。
先睇點心紙，點心嘅選擇雖然唔夠茶樓多，但其實都唔算少，有蒸點類、腸粉類、煎炸類、粥飯類、甜點類、湯類、菜類，另外亦有一些小食同廚點供應。揀咗兩款蒸點、炸物及盅頭飯。
先吃蟹子黑毛豬燒賣 ($31)，燒賣選用了黑毛豬肉去製作，肉質彈牙爽脆，感覺特別鮮甜，食落充滿肉汁，配上面頭的蟹籽，更添咬口。
露筍鮑魚鳳眼餃 ($34) 造型非常精美，面頭放咗露筍同原隻鮑魚，賣相貴氣！餃皮晶瑩剔透、厚薄適中，蝦肉彈牙味鮮，加上鮑魚嘅香味和煙韌質感，兩者非常雙襯，配上鳳眼餃的外型，絕對是一道色香味俱全的點心。
牛油果蒜香蝦春卷 ($26) 平日食春卷，餡料不外乎蝦同新鮮豬肉，不過呢度就比較有創意，加入咗健康的牛油果，入口香脆得來又帶點清新，每一啖都食到所有配料。
平日去飲茶都幾鍾意點盅頭飯食，呢度嘅鳳爪排骨飯 ($28) 味道亦唔錯，鳳爪骨肉分明，入口軟滑有彈性，排骨入味鬆軟，而飯粒亦爽口乾身，食落有米香。
食完幾款點心就輪到試下甜品，一口氣點咗三款，先嚟重口味薑汁糕 ($22)，嘩！果然夠薑夠辣，應該係拌入咗以老薑做成的薑汁，食落煙煙韌韌，驅寒又暖胃。
接著吃紫醉金迷流沙包 ($26)，粉紫色的包面再撞上「土豪金」，拼出清新感覺！把包掰開，流沙餡即時像岩漿般湧出，味道香甜不膩，非常好吃！
香芋地瓜丸 ($22) 一份有 4 粒，外層炸至金黃鬆脆，一咬開香芋味陣陣撲鼻，入口香綿軟糯，夠乾爽又唔油膩，正。
餐廳全日免收加一，而且早市同下午茶時段，點心仲有八折優惠，非常抵食。
張貼
