the BAKERY餅家 (已結業)

朋友知小弟甚鍾意食曲奇，仲寫有一系列嘅曲奇食評，所以，趁着聖誕將臨，送上兩盒包裝甚富節日氣息嘅曲奇類產品俾小弟 ，萬分多謝，讓小弟又有機會品嚐另一家店嘅曲奇。紙袋印着the Bakery，喺店家嘅名字，喺小弟初次接觸嘅品牌名字。初時以為喺啲網購店，原來晌西環及柴灣已有實體店。盒內附有卡片，喺店家嘅簡單介紹，卻喺唔簡單嘅執著，香港製造，用心製作 ！ 聖誕樹禮盒 雖然禮盒以聖誕樹為造型，仲要大金大銀，其實，感覺有點老土。不過，內裡嘅蝴蝶酥相當有水準，首先，獨立包裝夠晒衛生之餘，又唔使一開罐就要「嗱嗱淋」食晒（註：共有12包）；此外，蝴蝶嘅造型非常明確，塊塊大細一致 ，兼且烘得焦香金黄，啪開兩邊，酥皮層次極為清晰，咬落十分酥脆，極富牛油香，就算唔喺城中最好，都喺上佳嘅水準之作 ，所以，好食到一塊接一塊，隨時食唔停口。 薑餅人禮盒 同樣老老土土嘅薑餅人鐵盒，勝在賣相有少少可愛，而依一款禮盒又會喺啲咩呢？原來有蝴蝶酥及杏仁酥（註：共有14包），前者上文介紹過，就分享吓後者。杏仁酥同樣樣極具水準，睇落已經有種唔食都知好酥脆嘅感覺，入口果然非常香脆，咬落嚓嚓聲裂開，又充滿牛酒