更多
2019-05-18
58 瀏覽
相約好友食飯 但天氣不似預期☔難得撞啱假期終於可以約到好友食飯啦！！友人本身早左到達尖沙咀諗住行住街等我，點知天氣不似預期，突然落好大雨〜友人唯有搵個地方坐底等我啦。根據友人share 比我嘅location 好容易就搵到哩間餐廳啦，門口睇入去有一啲似日本家庭式餐廳，入面嘅燈光都好柔和比人一種好舒服嘅感覺，裝潢都好簡約整潔。一入店，店員就好有禮貌上前招呼，而且馬上就幫我拎左把遮放好，而友人已經拎左枱坐好係度等我了，店員遞上餐牌 然後亦好細心咁解釋左一次下午茶menu 及推介左一啲受歡迎嘅菜色。經過介紹後, 本身只想食咸點嘅我地都對由米粉代替麵粉做嘅日式班戟非常有興趣😍 所以到最後都追加咗一個做飯後甜品 🥞第一道上嘅菜係煙燻鮭魚沙律，個汁少少酸酸地咁非常開胃，煙燻鮭魚熟到剛剛好唔會over cook ， 本人非常喜歡♥️之後有下午茶嘅咖哩雜菜烏冬同咖哩炸雞烏冬，分量剛好，炸雞好好味，咖哩都做到好有日式咖喱少少甜唔會覺得辣嘅感覺 (因為本人非常鍾意食咖哩但又好怕辣，日式咖哩啱曬我口味😋)再來有個店員推介嘅黑毛豬鞍，我本身係一個牛魔王，對豬興趣不大，但哩個實在係太有驚喜啦，肉質恰到好處，一啲都
難得撞啱假期終於可以約到好友食飯啦！！
友人本身早左到達尖沙咀諗住行住街等我，點知天氣不似預期，突然落好大雨〜友人唯有搵個地方坐底等我啦。
根據友人share 比我嘅location 好容易就搵到哩間餐廳啦，門口睇入去有一啲似日本家庭式餐廳，入面嘅燈光都好柔和比人一種好舒服嘅感覺，裝潢都好簡約整潔。
一入店，店員就好有禮貌上前招呼，而且馬上就幫我拎左把遮放好，而友人已經拎左枱坐好係度等我了，店員遞上餐牌 然後亦好細心咁解釋左一次下午茶menu 及推介左一啲受歡迎嘅菜色。
經過介紹後, 本身只想食咸點嘅我地都對由米粉代替麵粉做嘅日式班戟非常有興趣😍 所以到最後都追加咗一個做飯後甜品 🥞
第一道上嘅菜係煙燻鮭魚沙律，個汁少少酸酸地咁非常開胃，煙燻鮭魚熟到剛剛好唔會over cook ， 本人非常喜歡♥️
之後有下午茶嘅咖哩雜菜烏冬同咖哩炸雞烏冬，分量剛好，炸雞好好味，咖哩都做到好有日式咖喱少少甜唔會覺得辣嘅感覺 (因為本人非常鍾意食咖哩但又好怕辣，日式咖哩啱曬我口味😋)
再來有個店員推介嘅黑毛豬鞍，我本身係一個牛魔王，對豬興趣不大，但哩個實在係太有驚喜啦，肉質恰到好處，一啲都唔會靭，味道好正 加埋佢配咗岩鹽超夾 (店員mention 岩鹽唔夠亦可無限添加👍🏻)
最後甜點終於黎啦，店員推介 當造嘅愛文芒🥭
芒果超甜，無推介錯！！份量唔會好似出面咁勁大份勁濟，質感鬆軟 好特別 (初時因爲已經有少少飽仲好擔心會食唔落，但一啲都唔會 一啲都唔濟)
Over all, 店內環境舒適，店員好有禮貌好耐心介紹，食物質素亦算中上，價錢亦唔貴，絕對推介大家經過可以去試下喔
張貼
