阿木台灣麵 (廣華街) (已結業)

上次經過見到呢一間新開嘅阿木台灣麵超級多人排隊咁今次我專登出嚟喎自己一個人出嚟旺角就試吓睇吓可唔可以快啲入到去啦因為限聚令嘅關係而家暫時全部都係兩人一台咁我無論一個定兩個其實等嘅時候都係咁耐嘅咁我自己就等咗一個鐘 當時係4:00所以有下午茶餐不過唔緊要一個鐘之後終於可以入到去啦佢嘅點餐情況同程班長係有啲似嘅咁你咪入咗嘅時候佢就會俾個餐牌你畫定先嘅咁你一坐低就可以即刻點菜咁其實佢上菜速度都算快 我大概等咗5至10分鐘左右 其實佢已經上晒我叫咗兩碟菜啦 咁我就叫咗一個芝士肉鬆蛋餅同埋一個拌麵嘅 首先就係呢個麻醬乾拌面 佢呢個下午茶餐係仲有佢有三個小食嘅 咁就先講下麵先啦 上菜嘅時候仲係熱嘅 撈埋個麻醬係非常之重花生醬味 個麵嘅掛汁能力都係多嘅 所以其實你每食一啖都會有麻醬味充斥着係個口到 再加上青瓜絲去令到成個麵冇咁膩 正！之後就係呢個芝士肉鬆蛋餅呢個係必叫嘅 你會見到佢肉鬆嘅量係一啲都唔手軟 之後會執爆咗成個蛋餅 但你夾嘅時候又唔會跌晒出嚟喎 佢係上面淋左好似燒汁嘅醬料啦令到你會不停一啖一啖咁樣食雖然等咗一個鐘只係食咗20分鐘但我覺得呢個鐘係值得等嘅