影片
更多
2020-09-18
85 瀏覽
假日去開荃灣突然想搵間cafe坐下飲杯咖啡☕，打開飲食app📱見到呢間零劣評既cafe望落幾吸引就即刻去試Cafe位於如心廣場商場地下，係商場行左陣都搵唔到落地面既方法，問過保安先知原來係一道幾隱閉既防煙門後面有部電梯，但部電梯就無任何指示牌指示🤦🏻♀️-呢間cafe空間唔大，枱與枱之間距離都幾接近，如果咁岩坐着中間張大餐枱，左右兩旁都有其他客人，感覺會坐得唔太舒服🙈 幫襯當日3點幾去到有4對情侶等緊👩🏻🤝👨🏼，由於呢度用餐時間有90分鐘，等候期間離座客人唔多其實有諗過轉場，但質素較好既cafe都集中係荃灣站附近行去有d遠😕 最後等左40分鐘先入座，要嘆杯咖啡真係唔容易🤣******************************✨Latte☕ (L $41)呢度既咖啡豆有Alchemy blend同Lollinut blend兩種，前者味道會醇度會較重，帶可可🍫同甜味；而後者就帶乾果味同杏仁味每款咖啡所用既咖啡豆都由cafe預設，呢日本來想點杯flat white，可惜配既並唔係Alchemy blend，最後改要latte🙆🏻♀️latte上桌見到奶泡🥛有豐富既crema 就知
假日去開荃灣突然想搵間cafe坐下飲杯咖啡☕，打開飲食app📱見到呢間零劣評既cafe望落幾吸引就即刻去試Cafe位於如心廣場商場地下，係商場行左陣都搵唔到落地面既方法，問過保安先知原來係一道幾隱閉既防煙門後面有部電梯，但部電梯就無任何指示牌指示🤦🏻♀️
-
呢間cafe空間唔大，枱與枱之間距離都幾接近，如果咁岩坐着中間張大餐枱，左右兩旁都有其他客人，感覺會坐得唔太舒服🙈
幫襯當日3點幾去到有4對情侶等緊👩🏻🤝👨🏼，由於呢度用餐時間有90分鐘，等候期間離座客人唔多其實有諗過轉場，但質素較好既cafe都集中係荃灣站附近行去有d遠😕 最後等左40分鐘先入座，要嘆杯咖啡真係唔容易🤣
******************************
✨Latte☕ (L $41)
呢度既咖啡豆有Alchemy blend同Lollinut blend兩種，前者味道會醇度會較重，帶可可🍫同甜味；而後者就帶乾果味同杏仁味
每款咖啡所用既咖啡豆都由cafe預設，呢日本來想點杯flat white，可惜配既並唔係Alchemy blend，最後改要latte🙆🏻♀️
latte上桌見到奶泡🥛有豐富既crema 就知呢度既咖啡豆定必非常新鮮😍 咖啡氣味聞落夠香醇，呷第一啖先感受奶泡既綿密感，一直飲落去咖啡圖案都無散開；而咖啡既可可味夠突出，不止為味蕾帶來強勁衝擊，殘留口腔內既餘韻仲頗為持久😋
值得一讚既係呢杯latte算係本人近期飲過最有溫度既咖啡，慢慢飲都未有變涼，難怪客人會係度坐咁耐啦🙈
-
✨伯爵茶鮮奶朱古力🍵 (Regular $39)
呢杯Earl Grey Chocolate既奶泡同樣打得夠晒幼滑，拉花圖案甚至比起latte拉得更靚；飲落去有淡淡既伯爵茶味🍵，朱古力味🍫再慢慢滲出
朱古力味唔會太甜，兩者平衡做得不錯，但個人認為如果伯爵茶同朱古力味可以再濃d突出少少🤏🏻就好啦
相比latte濃香所帶來既驚喜，個人認為呢杯Earl Grey Chocolate失色左d🤔
-
✨青醬烤雞意大利三文治🥪 ($66)
烤過既panini外脆內軟，雞肉🐔份量有不少，入面夾左幾塊蕃茄片🍅食落唔會好乾，加埋青醬作調味成份三文治既感覺好清新🌿，可以再encore👌🏻
但另一方面係雖然呢度唔需要收取加一服務費，不過假日無tea set要66蚊先食到一份三文治，個人認為價格比起其他café較為進取🧐
******************************👧🏻人均消費：$70-$80
😋味道指數：3.5/5
💰抵食指數：3/5
🪑環境指數：2.5/5
💁🏻♀️服務指數：2.5/5
👍🏻再訪指數：3/5
-
📍Espresso Alchemy
地址：荃灣楊屋道8號如心廣場商場一期地下G02號舖
⏰營業時間：08:00–19:00 (Mon–Fri);
09:30–19:00 (Sat–Sun & Public Holiday)
(📍尖沙咀、鰂魚涌及葵涌亦有分店，每間分店營業時間有所不同)
張貼
