一生懸麵

營業中

休息中

上星期喺旺角女人街度行咗一陣， 經過一間日本拉麵店見到有條人龍， 所以就走去八下，呢排食親日本麵都係食湯拉麵，見到餐牌有沾麵食， 所以就排隊試下。 點餐紙都有因應唔同客人嘅要求， 可以選擇麵嘅硬度， 沾麵仲可以揀凍或者熱。唐揚炸雞炸雞炸得夠脆皮， 冇炸到太過火， 入面有保持肉汁， 我食之前加咗少少檸檬汁， 可以開胃啲。章魚燒章魚燒應該係即叫即做， 因為製作時間大約十分鐘， 上枱時夠熱， 章魚燒嘅粉漿夠熟， 唔會漿住個口， 食到入面有什菜同埋八爪魚粒。濃香櫻蝦沾麵食沾麵最怕個湯唔夠熱， 怕食到最尾嘅時候 湯同麵都一齊凍曬， 呢度湯嘅溫度做得唔錯， 夠熱， 湯嘅味道好濃， 個底湯飲落似係豬骨湯， 有勁多櫻花蝦喺面， 麵身都幾彈牙， 叉燒夠入味。辛辣拉麵朋友嗌咗個辛辣拉麵， 我試咗少少個湯， 辣度可以接受唔算太辣， 但係個香辣味幾好味， 個湯底都似係用豬骨湯加辣味而煮成。海鮮拉麵另一位朋友嗌咗店內推介嘅海鮮拉麵， 海鮮分別有墨魚粒，魚肉，蝦仔等， 湯底係海鮮味， 味道都幾唔錯。