名屋拉麵 (已結業)

                        見佢喺其他網站推介特登夜晚去試一試我同女朋友分別叫咗拉麵同埋鰻魚飯。先講佢個鰻魚飯，飯嘅質感好差，甚至比起平常茶餐廳嘅飯質感更差。第二，鰻魚好硬，我第一次食鰻魚係要全力同筷子加匙羹先可以切開。第三，伴碟嘅菜好奇怪，係兩條青菜。到我既赤紅地獄拉麵，面底非常差，係普通茶餐廳拉麵底。第二，紫菜亦有一股奇怪嘅零食紫菜味道。第三，醣心蛋調味不足，並非甜或鹹，只不過係無味。第四，所謂番茄湯底只不過喺魚子下面加左少少茄膏，原本嘅辣味湯底亦非出色，只有辣，但你唔會講得出佢有咩特別嘅味道/調味。第五，叉燒水平亦令人失望。服務環境衛生無問題，但食物真心差。