唯港薈Silverbox 宴會廳

Icon 之前都有啲想試，係因為開嘅時候一直都好難book, 其實今次都係一星期前訂，八位都要落訂金。 就係因為大家都無試過，所以就去咗食星期日的brunch。因為疫情關係用餐嘅地方就轉左去宴會廳，而啲食物就放晒喺入口嗰度，都幾開陽，仲比我見到有啲小昆蟲飛飛下。其實啲食物擺位令到我提唔起勁影相，好簡陋，毫無美感，跟住嗰啲牛扒，羊架係煮熟晒擺定響熱盤嗰度等你自己夾。好有到會感覺。而印度嘢食，有薄餅，但係啲薄餅好硬又唔熱，啲咖哩又冇汁，我唔知啲薄餅可以點食。海鮮方面有蝦蟹，都算可以接受。甜品應該係稍為好少少囉，但係如果你鍾意食榴槤啦。飲品有有氣白酒，橙汁，西柚汁，咖啡，西式茶，如果飲得香檳嘅就會好啲啦，因為任飲。如果喺疫情底下。咁嘅食物咁嘅環境，仲要冇折頭，其實真係好唔抵食，係好差。咁嘅價錢，其實都可以食到好多其他嘅靚酒店，唔需要考慮佢。