影片
更多
2022-08-09
1368 瀏覽
第一次寫食評 因為係事後諗諗下都值得講，所以先分享番今次呢個自助晚餐嘅體驗，無特別影相星期六生日正日和太太二人前往，$888一位再加一，6:30pm已經到達，現場大概有幾十人等入場，呢部分無特別入到去我地被安排左坐係窗邊，所以都算無咁迫，但見到其他客人嘅位置係真係比較迫啲啦食物方面真係超級無敵大失望好多時睇自助餐食評係見到有好多人覺得自助餐扺唔抵食係睇佢多唔多貴價嘢食，最好就無限量供應，不停refill，但就忽略左一個核心，就係好唔好食先講大家最關注嘅海鮮，生蠔🦪嘅供應係我人生見過供應得最快嘅自助餐，係完全唔需要排，速度超快，生蠔質素也OK，都值得讚揚龍蝦🦞又係一樣，無限量，超多，不停refill，不過海鮮除咗呢兩樣，其他都不知所謂。刺身係我試過咁多間自助餐之中，係最差，個程度同以前嗰啲二百幾蚊位嘅K buffet差不多 到熱盤，用失望二字作總結款式少，味道一般，又未到難食，不過一定唔係$888一位嘅程度。我一向食自助餐反而都會鐘意試啲少啲人掂嘅平民嘢，不過連啲咖喱呀粥都做得一般，真係好失望甜品方面，榴連雪糕同Godiva朱古力雪糕係幾好食結論 如果你係好鐘意食蠔、龍蝦、雪糕嘅人就會感
因為係事後諗諗下都值得講，所以先分享番今次呢個自助晚餐嘅體驗，無特別影相
星期六生日正日和太太二人前往，$888一位再加一，6:30pm已經到達，現場大概有幾十人等入場，呢部分無特別
入到去我地被安排左坐係窗邊，所以都算無咁迫，但見到其他客人嘅位置係真係比較迫啲啦
食物方面真係超級無敵大失望
好多時睇自助餐食評係見到有好多人覺得自助餐扺唔抵食係睇佢多唔多貴價嘢食，最好就無限量供應，不停refill，但就忽略左一個核心，就係好唔好食
先講大家最關注嘅海鮮，生蠔🦪嘅供應係我人生見過供應得最快嘅自助餐，係完全唔需要排，速度超快，生蠔質素也OK，都值得讚揚
龍蝦🦞又係一樣，無限量，超多，不停refill，不過海鮮除咗呢兩樣，其他都不知所謂。
刺身係我試過咁多間自助餐之中，係最差，個程度同以前嗰啲二百幾蚊位嘅K buffet差不多
到熱盤，用失望二字作總結
款式少，味道一般，又未到難食，不過一定唔係$888一位嘅程度。我一向食自助餐反而都會鐘意試啲少啲人掂嘅平民嘢，不過連啲咖喱呀粥都做得一般，真係好失望
甜品方面，榴連雪糕同Godiva朱古力雪糕係幾好食
結論 如果你係好鐘意食蠔、龍蝦、雪糕嘅人就會感覺好正，不過如果你係期望所有食物起碼中上嘅話，必然令你失望
題外話 結帳時佢見到我意見書上寫左[服務良好但熱盤款式太少，不可接受]
個經理答我[真係唔好意思，我都覺得真係太少]
當下我真係呆左，我和太太都表示無下次了
張貼