嵐橋丼飯專門店 (已結業)

唔好意思今次寫唔出好評。呢間餐廳令我諗起學生時期出旺角食平價嘢，係就係日本風，但係有啲地方做唔到日本嘅質素同精神。今次黎到呢度食午餐，早咗少少到，啱啱開場所以食客唔多。門面係靚靚嘅木質日式裝修，但係入到去就覺得好迫夾，地方非常細。雖然主打年輕食客，迫少少唔係好大問題，但係可以比我地坐既一排座位都好強廁所味，換左位都係一樣。除左衛生感覺唔好，最重要係胃口都唔好。雖然位置比較迫夾，但係啲枱櫈都ok，坐落去都算舒服ge，不過就聽到隔離枱啲人講嘅嘢……餐廳都有播日本音樂，同埋道牆有一幅好大嘅日式畫，都算有營造過日本風ge。食物方面，可能我唔好彩，點咗嘅黑咖哩烏冬set lunch，但係咖哩湯唔夠咖喱味，亦唔夠鹹；烏冬唔彈牙又唔軟身，唔覺得係日本餐廳應該有嘅質素，要一路食一路加豉油。反而朋友嗌嘅吞拿魚腩飯，啲吞拿魚非常好食，夠新鮮同充滿油份，食到有回甘。前菜同茶碗蒸就還可以啦，最好食係個雪糕。雖然服務算唔，錯但係食物同環境真係好麻麻。