石姐辣蟹雞煲小菜皇 (已結業)

今日去左太子畫畫，畫完望一望 天色已晚，導師就話不如一齊去食晚飯，就帶左我黎呢間佢成日黎既餐廳，話呢間餐廳非常夠鑊氣！呢間係出名食雞煲同辣蟹同雞煲，但導師話佢琴日先食完，不如叫兩碟小菜，雖然有d可惜，唯有下次帶朋友黎食啦！我地叫左個水煮九肚魚，非常大煲，d九肚魚好綿綿細滑，入口即溶，吸收哂醬汁既精華，味道方面，唔會死辣,非常有層次，煲底仲有d芽菜，入哂味又爽口，成個煲送飯一流！另外我最中意食惹味既野，沙茶菜心炒牛肉，呢度果然鑊氣十足，未黎到都聞到香味，牛肉炒到嫩滑唔乾身，菜心爽甜！呢度啤酒又抵飲，岩哂同朋友一齊黎聚聚，下次要叫雞煲先！