石姐辣蟹雞煲小菜皇 (已結業)

太子食物質素平平無奇的小菜館，標榜免收加一免茶芥，但百幾蚊食十粒咕嚕肉，仲貴過去酒樓食！茶水要主動叫才給你一杯熱水，（係熱水不是茶）八九成餸菜都試過百元，羊毛出自羊身上面標榜免收加一，精明的食客已經知道價格已反映了！但食物味道還可以，但沒有衝動再次光臨，本人都常常光顧小店餐館，喜歡價錢親民，但石姐這樣的價錢及質素我寧願去美X集團旗下的酒樓，起碼坐得舒舒服服環境舒適，重點係有茶飲。但百貨做百客，大家都可不妨一試！

和六個朋友一起去食宵夜，六個菜，三個店主推荐，味道一般，价钱超贵，埋单一千九百找二十(是平时食的二倍多，太贵)，相信不会再光顧！平时每周都食宵夜，從佐敦食到太子，平均消费是一百多块钱一個人，这次是walk in没料中伏！

我地一行book位時問過佢15人坐唔坐到，個職員就講坐到。點知我地少左個人黎都好迫，係迫到個個都縮埋一舊咁食。之後例湯轉豬肺湯又沒講要加錢，之後剩係推介而沒講價錢，餐牌又沒寫。最慘食左個花蛤竟然連原本花蛤既味都沒，所有穫氣小炒都好一般。可能只岩3-5個食；所以我地咁多人食調味方面偏淡有d直頭沒味。抵讚既係員工好服務，而且埋單果陣先話俾我地聽價錢。改善既地方可能就係只收現金，食左4千蚊野邊有咁多人身上咁多現金😒

有朋友同佢老婆黎咗呢間食咗好多次，話好好食，所以黎試下。老老實實，門口望落無咩特別，似普通茶餐廳。有龍躉有蟹，似upgrade 版的茶餐廳。價錢上，好似偏貴喎。附近的茶餐廳within $100 已經有個羊腩煲了喎，呢到要$400 幾先食到。環境就正正常常茶記裝修。人唔多，入座率4成左右。好呀免收加一。本人好鐘意飲湯，叫咗個瑤柱粟米羹。份量好多，夠6個人食。我同朋友每人飲咗成4、5碗。有蛋白、粟米同瑤柱。味道balance 得好好。牛骨煲香的，有「鑊氣」。呢個正，又豆腐又花膠，夠香夠入味。好味就的確唔錯，但價錢比較上有啲貴，特別呢區好多平的店。

原本想去食海鮮，但又唔想去咁遠，係openrice 搵左好耐，俾我搵到間有海鮮既小炒店，又近評語又唔錯，即刻call 人去開餐去左個個都爭住點菜，每人點左２個菜，都唔理食唔食得晒蒸扇貝，大大隻好多汁，而且都幾新鮮，好鮮甜蒸海蝦，好新鮮彈牙，香噴噴白灼螺，size 唔大唔細，合格無砂無泥，好乾淨招牌小炒皇，火喉夠，有腰果，爽口粟米羹，好味，飲左２碗咕嚕肉，香口又脆，可惜用罐頭菠蘿招牌雞一隻，超多，又滑

和媽媽「過海」去太子聽完講座，想食鑊氣小炒，走左入去一間裝潢地道的中式餐廳！2個人只能吃得下2－3碟小菜。點了媽子必食的椒鹽九肚魚，和我的最愛菠蘿生炒骨。另外，店員強烈推介金薯炒牛仔粒，也都點了。生炒骨係拔絲的，即是夾起件排骨有橙色拉絲，好似pizza咁！當然，拔絲唔係純為了視覺享受，都帶嚟獨特的口感：外層有一塊脆脆糖皮「保護」件排骨，而排骨自身都香口鬆軟，好食！椒鹽九肚魚都係「炸嘢」！外皮薄脆，魚肉肥厚滑溜。我就覺得椒鹽味唔夠香，淡味左啲，媽媽就喜歡！金薯炒牛仔粒嘅金薯出乎意料地好食！似西餐的薯角似成粒狀，炸過或泡過油再落鑊炒香，薯味香濃，完全感受到大廚的誠意！

居然太子有海鮮食喎，就響石姐辣蟹雞煲小菜皇。依樹固名思義就係出名食蟹啦! 蟹既煮法都有好多款，例如：避風塘、薑蔥乾焗....  避風塘炒蟹就食得多，今次就試下胡椒薑蔥蟹。胡椒薑蔥蟹隻蟹送上檯我地個個都嘩咗一聲，隻蟹都幾大隻，本身以為啲肉可能會乾爭爭，但大廚既火喉又拿捏得剛好，肉質鮮甜而結實。蜜椒金薯牛仔粒身為香港人既我梗係要試下依樹既香港小炒名菜蜜椒金薯牛仔粒，我平時唔鍾意食普通食店既牛仔粒，因為多數都鞋得濟，我唔鍾意咁鞋嘅野食。依樹既牛仔粒正正是我喜歡既厚度，而且肉味夠濃唔會令人抗拒 !

一年一度嘅日子終於比我等到拉，雖然只係我生日，但都好值得食返餐慶祝同朋友一致決定食蟹，就搵到呢間食蟹幾出名，又近我地既餐廳其實呢到既招牌蟹係避風塘炒蟹，最近食蟹既熱潮太熱烈，大家都想試下避風塘炒蟹畫面是很震撼的，一大片的蟹肉但都埋藏唔到呢隻咁厚肉既蟹先講味道，味道唔係期望中既鹹香而係炸得好香既蒜，帶微鹹，好香口蟹真係大到，厚到覺得超值係啖啖肉既肉蟹，而且膏都超多蟹肉新鮮彈牙，肉質一絲絲，食到蟹肉既甜味蟹鉗已經有條大裂紋，輕輕鬆鬆都拎到成個鉗肉出黎，夠細心下次都會同屋企人再黎食

明天是假日，今晚特意約左幾個老朋友去食飯，大家都不約而同話去太子（石姐辣蟹雞煲小菜皇）因為我們已經來過這餐廳一次了，覺得這裡的小菜同雞煲都好正，所以不用去別處了，需須然地方不算太大，但交通十分方便，價錢都不貴，所以這裏就是我們成班老友，最佳的聚會的地方。金獎鳳梨拔絲咕嚕肉$95，份量十足，鑊氣十足，外脆內軟，肉質鮮嫩，酸酸甜甜的，十分惹味。酥炸魚皮，好新鮮，卜卜脆，一定要叫番幾支啤酒先。餐牌上仲有好多優惠的小菜。

（石姐辣蟹雞煲小菜王）位於太子柏樹街， 雖然沒有很華麗的裝潢，也沒有很舒適的用膳環境，到這類小館用膳，鑊氣必然是first priority。中國古典山水畫，寓意非淺。鐵板黑椒牛仔骨$118，黑椒汁稠身，每塊牛仔骨份量也足夠，和青椒紅椒一起落鑊，多一份味道之餘，賣相也更討好。金獎鳳梨拔絲咕嚕肉$95，此道菜盡顯芡汁的功夫與技巧，咕嚕肉肉質緊致，咬落多汁，有肉香，拔絲甜酸汁可見一班，把咕嚕肉更提鮮。韓國（hite）生啤，當然比一般淡啤更幼滑。

今日係旺角做完成日野，又諗唔到食咩好，咁岩有朋友介紹有間係太子附近既隱世小炒王，仲話食過一定會想再食，就一於去試下。去到太子地鐵行幾分鐘就到，睇門面唔算太顯眼突出，似一般小菜雞煲既餐廳。見到好多人都係食雞煲，但朋友話已經食左幾次，提議話不如試下佢嘅小菜。先黎左一個鐵板薑葱鮮魚膘。呢度菜唔係周圍有，仲似新鮮嘅魚膘好珍貴!平時我真係好少食呢樣野，但呢碟真係不得了。鐵板上，配搭薑葱爆炒，冇腥味之餘超級香口。口感彈牙帶點煙韌，即刻叫多左兩碗白飯。呢度菜極力推介呀!之後叫左個椒鹽九肚魚，呢個係我最中意食既小菜之一。呢度菜係出色既，一黎熱辣辣，二黎炸粉唔太厚，入口外脆內軟，仲帶點肉汁，食得出係有落足功夫。之後叫多左個水煮牛肉，我同朋友都中意食辣既，所以覺得超級惹味。不過提醒唔食得辣既人，要同老闆講聲，因為味道真係偏辣，值得一提係連啲芽菜都好好食，爽口入味。呢間小炒王既小菜真係好出色，平民價錢但食到高質小菜，最後餸左兩碗白飯，爆哂quota

今晚同一個好耐無見既中學同學食飯，可能大家都識左好耐既關係，佢提議不如搵間坐得舒服既中菜，炒幾個餸叫枝啤酒傾下計好過，其實都係，兩個男人食飯，始於都係咁樣最好，去Cafe或者西餐都唔及中菜啤酒咁暢快。但係要坐得舒服又好食其實唔易搵，上openrice見到呢間一致好評，地點又方便，就試一試佢。太子地鐵站一出行5分鐘都唔洗就去到，地點真係好方便，餐廳裝修雖然簡單但乾淨舒適。叫左三個餸，分別係鐵板薑蔥炒魚卜，椒鹽九肚魚同水煮牛肉。首先一定要強烈推介既係個魚卜，因為呢個餸係老闆推薦我地叫既，碟餸上果時因為鐵板上所以熱辣辣，賣相唔錯，食落真係勁好味！魚卜煙煙韌韌好彈牙又爽口，而且好香口又好惹味，份量又多，用黎送酒真係一流，果然係平民版既花膠！椒鹽九肚魚外脆內軟，最中意佢既一點係佢無用太多粉去炸，令到個皮夠薄又唔會漿住，魚肉香滑入味，少少辣辣地好惹味。最後就係水煮牛肉，如果你係食辣之人，一定唔可以錯過，雖然係好辣，但佢辣得黎非常香辣惹味，唔似一般水煮牛肉咁只係一味得個辣字，牛肉入哂味，柔軟又香口，越食越開胃。石姐辣蟹雞煲小菜皇絕對係一邊食飯一邊開懷暢飲既好地方。

近排工作量多，難免要在公司多留好一陣子，放工後亦只好在公司附近吃晚飯。太子汝州街及柏樹街一帶餐廳臨立，今趟與同事試了一間中菜館「石姐辣蟹雞煲小菜皇」。餐廳佈局呈窄長型，裝潢平實簡單。 一般來說，越夜吃飯理應越清淡，偏偏同事堅持要吃香口美食，只好捨命陪君子，先來一枝啤酒「打打底」！「椒鹽九肚魚」外脆內嫩，金黃外層厚薄適中。椒鹽出品相對「含蓄」，沒預期般上火辛辣。 「鳳梨拔絲生炒骨」醬汁黏稠恰宜，能達至拔絲的效果。生炒骨肉味新鮮，外脆內軟，要做到這個效果，講究出色的 (高) 油溫控制。 最後出場的「蜜椒金薯牛仔粒」屬餐廳的推介美食，金薯薯味足，外掛甜蜜滋味。牛仔粒出品鬆軟，濃香可口，讚！雖然只淺嚐了三道小炒，但全部做工出色。有機會下午再來午飯！

朋友仔同我一樣都係麻甩系女子，平時都好鐘意食啲夠鑊氣嘅惹味小菜。但呢度唔係街外大排檔，可以係室內嘆住冷氣，慢慢食！蜜椒金薯牛仔粒每次諗唔到食咩，就一定會睇餐廳推薦，牛仔粒用咗蜜糖炒，甜而不膩，有少少似燒烤嘅感覺，肉質腍身；薯仔粒外脆內軟，好香口。最後再加埋啲芝麻就更香。石姐小炒皇小炒皇真係可以一次過滿足兩種願望，韭菜彌補咗外出食飯多肉少菜嘅定義，可以食下蔬菜；腰果同小魚乾就好香脆，送酒就啱哂。椒鹽九肚魚外面脆卜卜，入面滑溜溜，九肚魚魚骨出名幼細，連骨食都冇問題，啱哂我呢啲懶人！

太子多嘢食大家都知啦～今次嚟咗呢間石姐一試地道鑊氣嘢食！聽老闆話鋪頭啱啱開咗四個月 每日生意都好好 我地個日去到都等咗一陣先入到去坐底咗之後就聞到好香雞煲嘅香味 太多嘢食我哋都唔知揀咩好 一於叫老闆幫我地決定幾款小菜～呢款鐵板薑蔥魚卜真係非常之惹味 一上枱啲薑蔥味飄滿成間舖 魚卜依然非常爽口 而我最鍾意就係佢嘅葱 索晒啲汁同埋魚卜嘅味！最重點係呢度嘅魚卜一啲腥味都冇 非常新鮮第二款係紅酒燴牛尾 牛尾炆非常之淋 一啲都唔會鞋口 又唔會好晏咬唔開 而且個汁有啲似羅宋湯 食落又有少少紅酒嘅味道 呢道菜攞嚟撈飯一流跟住係豉油王炒肥鵝腸 鵝腸炒得非常爽脆 雖然仲有少少肥膏 但完全唔會有油膩嘅感覺 而且有芽菜鋪底 鍾意爽口嘅你一定唔可以錯過豉椒牛肉煎餅係我同朋友最鍾意嘅一道菜 佢嘅面底係用煎米餅嘅方式 米餅煎得非常香口 再加埋啲豉椒汁 有少少辣 非常惹味 我同朋友都食到停唔到口最後呢個係金銀蛋浸番薯苗 近幾年開始多人鍾意食番薯苗 而我自己都非常之鍾意 咁啱老闆用金銀蛋嘅方式去煮番薯苗 而石姐嘅番薯苗就煮得非常嫩 食落口一啲渣都冇 下次嚟石姐就要試吓佢嘅雞煲 因為我哋見到好多枱客人叫嚟食 不過鍾意食