樂湯雞麵館 (白楊街) (已搬遷) 新店位置

腳傷休養在家無得出街食飯，屋企人話買個雞湯翅回家給我做晚餐，係唔係架，真係咁豪？居然又真係拎咗呢碗雞湯翅米線返來，打開已經聞到陣陣雞湯香味，裡面有7、8件雞，啲雞件件1嫩滑有雞味，有好多一梳一梳的魚翅仔，仲有一啲滑溜溜的翅群邊，米線口感比較腍滑，連湯一起送入口中，不知不覺已經溜進胃裡。湯頭又鮮甜又香，因為裡面仲有金華火腿絲，成碗食曬連湯都飲埋，好好味喎，勝在完全無口乾，六十二蚊一碗唔好要求咁高，算係好真材足料架喇。值得下次再食。