24
6
3
港鐵太子站 D 出口, 步行約4分鐘 繼續閱讀
所有分店 (2)
電話號碼
23286200
營業時間
今日營業
12:00 - 16:30
17:30 - 22:00
星期一至日
12:00 - 16:30
17:30 - 22:00
付款方式
AlipayHK 支付寶 現金
其他資料
酒精飲品
加一服務費
室外座位
電視播放
當面支付
食評 (48)
天氣開始凍,要食d暖野。由mtr太子站行去餐廳,大約5mins路程。晚市大約7點半,已經滿座。餐廳裝飾風格有d似大排檔feel,用摺枱摺凳,仲可以坐户外添。特別之處係,可以淨飲湯/淨叫全或半隻雞/叫左砂鍋姬松茸瑤柱響螺雞($70),砂鍋花膠雞湯翅($74),藥膳雞湯($32),飲品跟餐加$6。一大鍋雞湯配刀削麵,可以跟麵/飯。個人平時出街唔會飲餐廳煲既例湯,覺得好油膩而且煲完個湯唔入味。但尼間餐廳既雞湯,飲完一啖,係會好飲到可以飲哂成鍋湯。雞湯加入姬松茸、瑤柱、響螺、冬菇等材料煮,令個湯好鮮甜,而且好大陣松茸味。而且雞件煮得好入味,吸哂d湯,雞肉滑唔會鞋口,有6大件左右添。麵份量好多,可以分到4碗左右,麵身唔會煮到過軟。食到最後,個湯仲好暖。相比前一個鍋(砂鍋姬松茸瑤柱響螺雞),砂鍋花膠雞湯翅既味道就淡dd,少左松茸既甜味。但雞味就濃dd。每個鍋仲有好多件花膠,秋/冬天飲好滋潤。雞件同樣滑唔會鞋口,都係有6-7件。視乎師傅"畢"到咩部位既雞件,其中一鍋有雞翼部位,jeng。因為款款雞湯都好吸引,所以單叫左一碗藥膳雞湯。藥膳雞湯係3款湯入味,最濃味既湯,雞味較少,望到碗湯既顏色,就知道師傅落左好多藥材,用左好多時間煲尼碗湯。湯料有黨蔘(?)、杞子等等,一大碗可以分成大約4小碗,飲湯都飲飽,jeng。飲品跟餐加$6,有凍豆漿/罐裝可樂。難得杯豆漿係硬膠杯。當日飲得太多湯好飽,尼個"啤"口設計可以俾客人拎走飲。整體,真心d湯好好飲,好多湯料,而且飲完完全唔口渴,冇味精。而且價錢一d都唔貴,仲食到好飽,好值得再去。侍應服務好好,當日仲有好多人叫外賣添。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-10
9 瀏覽
係香港食麵食米線嘅地方好多,有分左家嘅兩兄弟,仲有一埋乜哥乜姐米線。食落大家差唔多,差在個蕃茄湯有幾多真蕃茄,個胡椒湯有幾多真胡椒。日日食的話,即使有幾多選擇都會厭,見到餐牌個肝已經隱隱作痛。有日出太子,想食嘅果間無開,準備過馬路嘅時候,見到一個好浮誇又好應景嘅roll-up banner。上面寫住「恭喜某議員執葉」,有火藥味得黎又好抵死!點知佢地係食養生湯底嘅米粉或米線。當然佢地仲有原煲敦湯,同埋其他養生野食。點左一碗紅棗湯雞米線,湯好清甜,米粉靚新竹米粉,好爽好滑,雞件啖啖肉。整體好清新,清清淡淡,食完又唔會口渴。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-19
107 瀏覽
新年臨近出去太子行花巿前當然要搵食,朋友帶左我去呢間樂湯雞食個晚餐。位置係太子嘅內街,要刻意行先會發現,所以想好似人地求其搵食就唔會黎到呢個位。其實要係樂湯雞食飯都有心理準備,一黎自家經營,態度上一次唔會似啲集團式咁,慢條斯理,而係快人快語。二黎鋪位細細,鋪裡坐到5枱客左右,而且要搭枱。不過亦可以坐鋪外嘅。由於萳茜自己對食嘅要求重要過環境,所以都係貴有貴食,平有平食,最緊要好食為本。去到一個未試過嘅餐廳,當然要試佢推介嘅主打菜啦。唔通好似Hermes出名賣袋,就走去買唇膏咩。所以我就叫左個砂碢花膠雞湯翅+飯,然後再加醉鴨舌,醉豬手同醉雞同朋友share。有人覺得貴7x蚊個湯貴,但我就覺得基本價啦!皆因進升為單身黨羽嘅成員之一,平時出去買個湯都成5x蚊啦,而且呢度真係有花膠+翅群+雞+湯喎,自己煲一次都唔止呢個價,而dry到一個點又無湯水落肚嘅單身狗黎講一次過滿足3個要求,算係咁啦。如果想有埋環境嘅話,就唔係賣7x蚊咁平架啦!個砂碢黎到嘅時候,係熱辣辣仲滾緊咁上枱嘅,而且食落嘅花膠同翅群真係真材實料先,唔似得其他出面食嘅花膠咁,一啲都唔似花膠嘅口感。再飲個湯未至於話好濃,但岩岩好,最重要係無味精,一啲都無口渴嘅感覺先。而朋友叫左個瑤柱響螺雞反而好濃,呢個我都推介。最後我係成個湯連飯咁食哂落肚,真係好滿足嘅一餐。推薦推薦👍👍👍 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-31
148 瀏覽
由開張到而家一直都有食開。保持一直都保持住。不過唔知係咪因為而家出左名, d服務態度愈來愈普通。落外賣講兩次個女侍應都落錯, 面口已經唔好睇, 俾食物你o既時候仲要一副不滿o既咀臉。生意好都不代表可以用咁o既態度做生意吧?  繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-03
270 瀏覽
食完晚餐即刻要打食評大讚!睇到餐牌己經覺得好養生 好滋補選擇咁多 仲要咁多都好吸引 搞到樣樣都想試一下正當我地面臨選擇恐懼症既時候店員好貼心咁主動問我地要唔要幫手佢推介左最多人揀既花膠雞湯翅、姬松茸瑤柱響螺雞湯同埋雞湯翅我記得佢好似話想飲湯既人都會揀姬松茸瑤柱響螺雞湯食辣既寶寶 又要叫個麻辣雞腎先安心咁大碟先$34咋份量多 而且每塊雞腎都有一定厚度 絕對無偷工減料仲好有咬口 好爽口~索索聲咁彈牙但都幾辣下 麻辣味好出 口水雞絲撈麵(刀削麵)上openrice 見到好多人都食刀削麵 就試下佢啦睇到刀削麵厚薄程度 同長度都咁一致~就唔會係好似山西刀削麵咁 真係拎舊麵粉削出黎啦但都煮得唔錯軟硬適中 都有咬口架撈埋啲麻辣黎食 怕油可以撈埋好fresh既青瓜絲~就無咁heavy既感覺 無咁有罪惡感我就唔撈啦! 食到停唔到口雞絲份量都唔少架 只係比堆青瓜絲遮住左花膠雞湯翅配米粉見到對面個姨姨係咁畢走啲油店員都怕佢誤會 有同佢解釋果啲係煲出黎既雞油我呢啲人就唔理 照飲照食(btw 店員都主動問我地要唔要碗仔share 都幾貼心)成個沙鍋咁上飲左一啖湯 有好香既花膠雞味 仲好鮮甜! 好快就成碗飲曬真係落足料黎煲 無添加無味精之選!!!食左咁多辣野 但我飲完個湯 我全晚都無口乾既感覺...配料就全部都好足料花膠就大大舊 ! 夠爽口 而且唔會漿住係個口到雞既份量都好多.. 而且仲好滑~ 有雞翼位但呢隻米粉煮出黎 係那埋一柱 食既時候唔太方便 唔怪得咁多人揀刀削麵服務咁好 仲要無加一好抵食 繼續閱讀
(以上食評乃用戶個人意見 , 並不代表OpenRice之觀點。)