時代冰室 (已結業)

今日中午未決定到食咩好, 咁岩經過時代冰室。好想食返個蔥油豬扒煎蛋飯。之前公司附近有一個星期都會食一次，本身諗住堂食，坐底左之後諗諗下好似唔夠時間，想轉外賣。侍應姐姐見到我起身，就問我有咩幫手，佢就話可以坐住係到等外賣都得，好熱心。唔洗十分鐘就有得攞。蔥油．即炸豬扒 三眼煎蛋飯$60 +熱檸水(跟熱飲, 外賣加$1)攞到返公司仲暖暖地，一打開見到大大塊豬扒好厚炸完出黎仲好juicy，好多蔥油，三眼仔，好邪惡!!