2
3
0
餐廳: 時代冰室
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵太子站 D 出口, 步行約5分鐘 繼續閱讀
所有分店 (8)
電話號碼
23181663
23181992
營業時間
今日營業
07:00 - 22:30
星期一至日
07:00 - 22:30
付款方式
現金 八達通
其他資料
餐廳運作模式 - B類
食評 (9)
等級6 2021-11-08
1286 瀏覽
老友話太子開咗間「時代冰室」,知小弟都幾喜歡茶記嘢,就趁星期日完咗崇拜落去食個午餐,反正我又未幫襯過。始終食晏時段,真喺幾旺場,都要等一陣先有位,不過茶記有樣好,嚟得食嘢嘅人都真喺食完就走,唔會坐得耐,快上快落,故就算等位都唔會耐。門口擺咗啲餐牌晌度,所以,晌等候期間,就睇定食乜好。午市選擇都幾多,乜餐物餐就標準設定架啦,仲有午市套餐、「蒸」選套餐、小菜套餐……等等,當然,啲款式麵喺晌茶記見慣見熟嘅嘢。卒之有得入,第一感覺喺絕對逼,啲4人卡位喺迷你型,一般中等身材嘅就坐到4個,想擺埋背包就好「抆水」,如果有個肥少少嘅,一邊位就真喺坐唔落多一個。餐具、調味料全部都喺放晒晌枱側嘅抽櫃中,呢種已喺茶記嘅常規設定。友人話呢度啲常餐好得,叫我試吓,咁就一於常餐啦,都好期待架。例湯我哋雖然揀咗常餐,只包餐飲,不過,啲侍應喺唔喺都擺低碗例湯。雖然,飲完都唔喺好知咩湯,感覺似喺青紅蘿蔔煲豬骨之類,因為湯內一粒渣都無,最緊要唔好太肥都無所謂啦。自家叉燒湯意粉、火腿奄列、牛角包(常餐)$50呢個喺友人嘅常餐組合,先嚟火腿奄列及牛角包,佢話啲奄列唔錯,蛋皮薄薄哋,裡面有唔少火腿,灑咗少少紫菜粉感覺喺唔同啲,但牛角包就麻麻,未夠酥香,加上無烘熱,外皮無脆口感。至於碟叉燒湯意粉就OK啦,無話有咩特別,啲叉燒屬瘦叉,口感都鬆化,至少唔會「嚡烚烚」,不過呢,意粉嘅口感只算喺勉強OK,因為有微微過腍嘅跡象。招牌沙嗲牛麵、3.6牛乳炒蛋、丹麥多士(常餐)$50小弟就揀3.6牛乳炒蛋搭丹麥多士,依家間間都話炒滑蛋,但真正炒得全面都滑就好少有,都只不過打咗蛋落鑊就收火,連攪拌都慳番,只喺有啲未熟嘅蛋漿而已,見到蛋心位置都熟到透。件丹麥多士反而唔錯,外皮有酥脆感,包心好軟熟。沙嗲牛麵則果然不失招牌之名,啲沙嗲做得香濃惹味,牛肉亦好腍滑,湯底加入沙嗲汁,自然香好多,麵條亦算喺爽口,比上面嘅意粉做得出色好多。熱奶茶餐飲就要咗小弟慣常嘅熱奶茶,茶色亦好對辦,但入口茶底就唔覺得好幽香,奶味亦相對淡咗少少,口感亦未見好細滑,不過,又唔可以講喺差,只可以講喺不過不失而已。食物算喺中上,不過,環境比較逼,招呼亦麻麻哋,好似有種催你快啲食完快啲走嘅感覺,可能飯市旺想多做幾輪生意,定價計落比附近嘅茶記就貴少許,依家晌出面食嘢度度都咁上下,平唔得去邊。 繼續閱讀
(以上食評乃用戶個人意見 , 並不代表OpenRice之觀點。)
👍🏻雙重芝焗豬扒飯(包嘢飲) $58豬扒厚切大塊!肉質咬落唔乾😋厚厚既茄汁芝士,芝士仲要拉絲,勁邪惡🤪飯係蛋炒飯底,炒得乾身又夠香😍焗飯用既鐵兜比較淺,令到焗飯受熱更加平均👍🏻所以飯既份量偏少,未必個個食都夠飽😂味道:8/10性價比:8/10-👍🏻咖喱慢煮牛坑腩飯(包嘢飲) $59 牛坑腩煮得好腍,牛味幾濃🤪咖喱汁係印度煮法,味道香濃唔算辣😋質感稠身,撈飯一流🤤薯仔反而比較爽口,唔係好腍整體份量比較少,薯仔得兩舊,唔太夠飽🥲味道:8/10性價比:7/10-📍#時代冰室太子長沙灣道21-25號地下A號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #深水埗 #深水埗美食 #深水埗好去處 #太子 #太子美食 #黃店 #黃色經濟圈 #深水埗黃店 #太子黃店  繼續閱讀
(以上食評乃用戶個人意見 , 並不代表OpenRice之觀點。)
等級1 2021-11-04
117 瀏覽
嗌咗個吉列魚柳白汁飯白汁係用罐頭開嘅魚柳好細塊奶茶全區最難飲飲咗一啖就已經有唔落完全係交行貨嘅茶餐廳附近大把嘢食有誠意😵😵😵😵😵😵😵😵😵😵😵😵 繼續閱讀
(以上食評乃用戶個人意見 , 並不代表OpenRice之觀點。)
等級2 2021-10-23
261 瀏覽
.🥢時代Hea Tea層層疊 $88上層係好多件厚西多士配罐頭水果同蜜糖西多士好出色 裡面仲夾住一層花生醬中層有炒蛋 雞中翼2件&雜錦腸仔炒蛋有d老 雞中翼有d燶同乾咁嘅價錢有咁多款腸仔好抵食最下層係沙律🥗超足量足料有放沙律醋&沙律醬好睇好食又夠食晒兩個人份量真係好抵食 繼續閱讀
(以上食評乃用戶個人意見 , 並不代表OpenRice之觀點。)
等級1 2021-10-22
145 瀏覽
一路食飯有蟲飛黎飛去,都唔係幾想食,啲飯又淋到一pat野咁,女侍應服務態度又串,我好好禮貌問佢唔該係咪有例湯就叫我等等等等,佢既語氣講野好唔耐煩咁,我見好耐冇黎我就問多次,到例湯黎嗰陣就話:「先生叫你等等就等等啦」,其實唔講我冇咩野,但講咗我就覺得你態度好串。 繼續閱讀
(以上食評乃用戶個人意見 , 並不代表OpenRice之觀點。)