90
3
0
等級4
呢晚朋友帶我去太子巷仔入面嘅一間串燒店食晚飯,佢食過話幾正。我一開始去到仲以為餐廳無開,原來係出面嗰間泰國嘢無營業姐🤣。其實都有大大個燈箱寫住「隱町」加個箭咀嘅。居酒屋好細間,一眼睇哂,廚房佔一半,另外再有Bar枱同兩三張二人枱,但裝修真係幾和風下,唔錯🏮。不過冷氣比較勁,可能要吹散啲油煙吧,始終廚房係半開放式。店員好細心😙,一坐低後就比個籃我哋放袋,仲簡單介紹下餐廳有乜食。佢話呢到嘅雞肉串燒最為出名,因為全部都採用咗德島縣阿波尾雞🐔。廚師精選沙律🥗($58),今日係豆腐沙律,份量多之餘,個組合仲幾夾,有車厘茄、木魚同豆腐,食完即刻開胃。炸池魚BB🐟($58),呢個係是日精選,店員話魚仔係經飛機運到㗎✈️,魚仔炸得好脆口呀,點埋旁邊嘅沙律(蛋白?)醬食,好正。成碟有成十幾條,唔會唔夠喉。我哋要咗三款雞肉串燒Yakitori🐓,左中右分別係雞翼($28)、鹽燒雞肉串($38)同雞心($30)。燒雞翼我鍾意食~,原來係雞全翼嚟㗎,好好肉。雞肉串就不過不失啦。至於雞心,我係第一次食,都比想像中易入口,但建議要襯熱食。跟住係雞軟骨($22)同白鱔($58),🦴呢到嘅雞軟骨有誠意喎,同平日唔同,比
更多
3 瀏覽
0 讚好
0 留言
呢晚朋友帶我去太子巷仔入面嘅一間串燒店食晚飯,佢食過話幾正。我一開始去到仲以為餐廳無開,原來係出面嗰間泰國嘢無營業姐🤣。其實都有大大個燈箱寫住「隱町」加個箭咀嘅。
19 瀏覽
0 讚好
0 留言

居酒屋好細間,一眼睇哂,廚房佔一半,另外再有Bar枱同兩三張二人枱,但裝修真係幾和風下,唔錯🏮。不過冷氣比較勁,可能要吹散啲油煙吧,始終廚房係半開放式。
64 瀏覽
0 讚好
0 留言

店員好細心😙,一坐低後就比個籃我哋放袋,仲簡單介紹下餐廳有乜食。佢話呢到嘅雞肉串燒最為出名,因為全部都採用咗德島縣阿波尾雞🐔。
10 瀏覽
0 讚好
0 留言

廚師精選沙律🥗($58),今日係豆腐沙律,份量多之餘,個組合仲幾夾,有車厘茄、木魚同豆腐,食完即刻開胃。
7 瀏覽
0 讚好
0 留言

炸池魚BB🐟($58),呢個係是日精選,店員話魚仔係經飛機運到㗎✈️,魚仔炸得好脆口呀,點埋旁邊嘅沙律(蛋白?)醬食,好正。成碟有成十幾條,唔會唔夠喉。
6 瀏覽
0 讚好
0 留言

我哋要咗三款雞肉串燒Yakitori🐓,左中右分別係雞翼($28)、鹽燒雞肉串($38)同雞心($30)。燒雞翼我鍾意食~,原來係雞全翼嚟㗎,好好肉。雞肉串就不過不失啦。至於雞心,我係第一次食,都比想像中易入口,但建議要襯熱食。
4 瀏覽
0 讚好
0 留言

跟住係雞軟骨($22)同白鱔($58),🦴呢到嘅雞軟骨有誠意喎,同平日唔同,比較大塊同脆身,店員解釋話係用咗雞胸附近位置嘅軟骨。燒白鱔好香口、無腥味,亦無咩骨、大啖肉👍。
2 瀏覽
0 讚好
0 留言

另外三款(左中右)分別係味噌黑毛豚肉五花腩($40)、青葡萄豚肉卷($28)同日式青椒仔($28)。兩款豚肉Kushiyaki都超好食😋,有少少肥肉特別香、特別Juicy。五花腩肉好入味,夠哂濃,流哂口水!日式青椒仔係用上Padron Peppers,所以連小新都啱食🙈。
0 瀏覽
0 讚好
0 留言

至於青葡萄豚肉卷就係全晚嘅MVP,皆因葡萄🍇同豚肉🐷好夾,甜甜地鹹鹹地,味道好豐富🤤。Encore之選!
1 瀏覽
0 讚好
0 留言

最後,我哋各自嗌咗一個燒飯團🍙($38),咁呢餐就夠哂啱啱好。飯團慢功出細貨,等咗陣先有得食,但亦係另一誠意之作。飯團係落咗醬油先燒,外面燒到脆脆的,裡面就好入味。
12 瀏覽
0 讚好
0 留言

總括嚟講,隱町嘅串燒好出色,考慮到食物質素嘅話,價錢其實唔算貴。🍢串燒款式多,大路同偏門嘅都有,如果可以賣埋烏冬等比較飽肚嘅食物,就無敵了。由於餐廳真係比較細間,下次食要Book定枱,係今日好好彩先Walk-in都唔使等😊。
4 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-03-17
用餐途徑
堂食
人均消費
$250 (晚餐)
推介美食
  • 青葡萄豚肉卷
  • 雞軟骨
  • 味噌黑毛豚肉五花腩