山謙

營業中

休息中

其實之前已經去過一次，想食吉列豬扒拉麵，但點知賣晒，結果食咗照燒雞扒拉麵，其實都唔錯。今個星期打風，諗唔到食乜嘢外賣好，唔甘心上次試唔到，所以今日又去過。晏晝已經打咗電話去問佢哋開唔開先，費事白行，接電話果位哥哥好有禮貌，話8號風球所以唔開，叫我夜晚落咗波再去過。今晚真係去咗買，終於比我買到。以咁嘅價錢來講，真係好抵食。個吉列豬扒用紙袋分開裝，唔會俾啲湯浸到林晒。仲要送埋沙律醬，真係細心。下次會試埋佢哋其他拉麵。