影片
更多
2024-05-09
117 瀏覽
朋友近排升職請食飯，帶我食特別嘅Omakase：天婦羅 x 壽喜燒，兩樣都係我鍾意食嘅日本嘢😋😋餐廳木系裝修，簡單俐落，裡面都好光猛，雖然座位唔多，但係都我地都坐得好闊落。我哋叫咗$1188呢個天婦羅x壽喜燒omakase set 。🥢前菜三品沖繩水雲：味道清爽，較淡口，食落口滑捋捋北海道白蘆筍：配淋係面嘅蛋黃醬同黑松露一齊食，白蘆筍好爽口。煙燻法國鴨胸肉：呢一品菜最重味，煙燻味重，鴨胸肉質嫩滑。🥢蒸物富山縣產螢光魷魚茶碗蒸：螢光魷魚係春天季節限定食物，喺魷魚面灑上柚子皮依個位做到畫龍點睛，真係越食越開胃！天婦羅篇食天婦羅之前，餐廳為我哋準備咗一碟天婦羅汁，加蘿蔔蓉，同埋一碟餐廳自製嘅梅蘿白蓉 （作用係用黎清膩）。所有天婦羅，廚師都喺我哋面前即炸，而且天婦羅皮炸到好薄，啱啱好👍🏻🥢天婦羅季節海鮮三品北海道草蝦：蝦肉好彈牙，而且肉質鮮甜。兵庫縣產生蠔：生蠔好多汁，而且好清甜，無好重嘅海水味，配紫菜食一流。愛媛金鯛：廚師將金鯛嘅魚鱗炸到超脆，配埋燈籠椒加麵豉醬食，真係齒頰留香，超好味！🥢日本野菜二品北海道產甜粟米：粟米本身好甜，炸完食落更香口。山形縣獨子蒜：春天獨有產物，入口蒜嘅味道唔會好
餐廳木系裝修，簡單俐落，裡面都好光猛，雖然座位唔多，但係都我地都坐得好闊落。
我哋叫咗$1188呢個天婦羅x壽喜燒omakase set 。
🥢前菜三品沖繩水雲：味道清爽，較淡口，食落口滑捋捋
北海道白蘆筍：配淋係面嘅蛋黃醬同黑松露一齊食，白蘆筍好爽口。
煙燻法國鴨胸肉：呢一品菜最重味，煙燻味重，鴨胸肉質嫩滑。
🥢蒸物富山縣產螢光魷魚茶碗蒸：螢光魷魚係春天季節限定食物，喺魷魚面灑上柚子皮依個位做到畫龍點睛，真係越食越開胃！
天婦羅篇食天婦羅之前，餐廳為我哋準備咗一碟天婦羅汁，加蘿蔔蓉，同埋一碟餐廳自製嘅梅蘿白蓉 （作用係用黎清膩）。
所有天婦羅，廚師都喺我哋面前即炸，而且天婦羅皮炸到好薄，啱啱好👍🏻🥢天婦羅季節海鮮三品
北海道草蝦：蝦肉好彈牙，而且肉質鮮甜。
兵庫縣產生蠔：生蠔好多汁，而且好清甜，無好重嘅海水味，配紫菜食一流。
愛媛金鯛：廚師將金鯛嘅魚鱗炸到超脆，配埋燈籠椒加麵豉醬食，真係齒頰留香，超好味！
🥢日本野菜二品北海道產甜粟米：粟米本身好甜，炸完食落更香口。
山形縣獨子蒜：春天獨有產物，入口蒜嘅味道唔會好濃烈，幾特別。
壽喜燒篇同天婦羅一樣，廚師都會喺我哋面前即刻煮壽喜燒俾我哋食，亦都配上佢哋自製嘅月見汁同埋北海道白米飯。😋
🥢十勝和牛肉眼三片北海道十勝A4和牛肉眼&西冷：我哋揀食五成嘅牛肉真係無錯，肉質超嫩滑，肥瘦比例啱啱好，入口即溶😋
西班牙伊比利亞黑毛豬：依個豬唔比牛肉差，肉質都係好幼嫩，油花都好平均。
🥢日本野菜五品壽喜燒都有幾款蔬菜食，包括洋蔥、冬菇、紅蘿蔔，全部蔬菜都好新鮮。
而當中嘅日本厚釀豆腐，豆腐整得好嫩滑，而且吸收咗好多壽喜燒汁，食完令我好回味。
另外娃娃菜配葛粉都好出色。葛粉係零卡路里嘅食物，食落口感好彈牙，用壽喜燒汁煮完，真係越食越滋味。
🥢清湯食完個濃味壽喜燒，飲返碗清湯，可以清清個口同埋幫助消滯。
🥢黑糖蕨餅蕨餅面上灑左黑糖、花生、芝麻混合嘅粉，甜甜地，食落口唔會黐牙，依個甜品為依一餐畫上完美嘅句號。
而家餐廳早、晚鳥有七折優惠，其他時段及全日酒水都有八折優惠！下次再黎食過😍
張貼
