影片
更多
2011-07-16
78 瀏覽
嗜辣的我慕名而來 ﹗雞亦係我最喜愛既肉類 ﹗第一次，我估都會係最後一次幫襯，我為辣雞煲而來，但味道同質數都比想像中差，有天堂與地獄既距離。而其他邊爐生料都麻麻地，帶著非常失望既心情離去 ﹗但不知為何，人龍長排長有，大熱天時依然一枱又一枱企係街邊等位 ~ 莫非依度既小菜還可以？剛到步 19:50，人山人海，仲有八九張枱先到我地。啲枱櫈放滿行人路，路人只好無奈地全部行跳車徑，咪又搞到人車爭路囉。20:30，依然人山人海，仲有三四張枱先到我，仲陸續有食客加入企住行列。舖位入面只係免強放到三張枱，而行人路就有十多張枱，密麻麻，其實唔係坐得咁舒服，最緊要好食就咩都無所謂，最敝出品麻麻呢。熱住企等位足足 70 分鐘，由頭濕到落腳，終於可以坐低喇，坐正街頭第一張一號枱，只靠街燈照明，所以食既野全部係橙色。主角重慶辣雞煲，因為得朋友跟我兩個人食，所以原先想叫細煲半隻雞，但經侍應阿姐推介，便叫個大煲一隻雞，價錢只係多十多蚊無所謂啦，先叫個中辣試試先。飲淡湯，咁甜既，甜帶微辣，完全感覺唔到麻喎，當然即刻要加辣啦，見侍應哥兒只係狂倒辣粉，都唔係加麻辣膽既？完全唔係嗰個味道。雞件切得細細件，心想一隻雞得咁少既
剛到步 19:50，人山人海，仲有八九張枱先到我地。啲枱櫈放滿行人路，路人只好無奈地全部行跳車徑，咪又搞到人車爭路囉。20:30，依然人山人海，仲有三四張枱先到我，仲陸續有食客加入企住行列。舖位入面只係免強放到三張枱，而行人路就有十多張枱，密麻麻，其實唔係坐得咁舒服，最緊要好食就咩都無所謂，最敝出品麻麻呢。熱住企等位足足 70 分鐘，由頭濕到落腳，終於可以坐低喇，坐正街頭第一張一號枱，只靠街燈照明，所以食既野全部係橙色。
主角重慶辣雞煲，因為得朋友跟我兩個人食，所以原先想叫細煲半隻雞，但經侍應阿姐推介，便叫個大煲一隻雞，價錢只係多十多蚊無所謂啦，先叫個中辣試試先。飲淡湯，咁甜既，甜帶微辣，完全感覺唔到麻喎，當然即刻要加辣啦，見侍應哥兒只係狂倒辣粉，都唔係加麻辣膽既？完全唔係嗰個味道。雞件切得細細件，心想一隻雞得咁少既？呎碼似係雞仔囉。食落啲雞唔算滑，無咩雞味，香料味道就非常豐富，但真係甜左啲，唔夠辣，一丁點麻既感覺都沒有。
墨魚滑，鮮味還可以，但口感稍硬，唔彈牙，一試無妨。
脆鯇魚骨腩，好重淡水魚草青味，朋友仔雖然堅稱勁愛食魚，但都食唔慣，我就無咩問題，免強接受到。口感都好脆，係味道怪怪的。我都係第一次叫脆鯇魚骨腩會搭魚咀架喎，多謝晒。
豬大腸，最緊要洗得乾淨同埋留住裡面既絨毛。夠乾淨，good ﹗烚熟後裡面咩都唔見晒，絨毛同脂肪都無得留低，得反層皮，食落有滷水味，嚥嚥靭靭，幾好。
美國肥牛，好鞋的啊 ﹗瘦到死，又靭又硬又無牛味，攞去餚湯還可以，點可以做火鍋料，劣。
本地肥牛，剛才試左美國，依家再黎 local 野。睇落好似同一隻牛切落黎咁，瘦猛猛既肥牛？同樣地又靭又硬又無牛味，攞去炒都係麻麻地，只可以用黎餚湯底乍，再劣。
竹笙，爽爽爽 ﹗專登烚耐啲，等佢可以吸多啲精華先放落口麻，好味道。
大白菜，真係大白菜？我再三問侍應哥仔，真係大白菜？既然佢堅稱依棵係，都無法。點睇棵菜個樣唔係娃絓菜就係旺菜囉 ﹗趙落鞋烚烚、又厚又靭又硬、淥幾耐都係一樣，真係硬頸。
張貼
