Mimosa Patisserie

營業中

休息中

我喺舗諗咗一陣同老闆娘講想要4件拿破崙，我見老闆娘攞左一個盒，因為其中一件要分開，我即刻話要分開放，老闆娘好冇禮貌話”你講呀，你講就得啦，我點知你諗咩” （語氣好差），我怕浪費紙盒，再同老闆娘講，用紙袋裝起一件就可以，老闆娘又講”你講啦，點知你想點，講咪得，講野咁驚青”, 我俾錢出左門囗，我重聽到佢話緊我。呢間店開咗好多年，聽聞以前客人要排長龍買，今日見到只有一個客人落單，我朋友話見雪櫃重有好多件餅，所以我覺得風光不再 ，而且拿破崙要新鮮先夠脆好食，去貨慢，放得耐就吾好食。街出面更好食的拿破崙多的是，再加上老闆娘咁差態度，我食完件餅味道係不差，但不算好食，$38 一件又要受氣，不值得，對上一次幫襯巳是兩年幾前，今次經過想起就去買件食吓，換來俾人駡。我好少喺OpenRice 寫comment ，係老闆娘激發我寫呢篇文，經過今日我同自己講不會再去幫襯呢間舖。老闆娘態度咁差，重可以生存咁多年未執，呢様真係值得一讚。