Mimosa Patisserie

營業中

休息中

士多啤梨拿破崙絕對唔可以錯過呢塊酥皮真係做得無懈可擊，薄到好似紙咁，咬落去即刻碎開，但又帶有濃郁嘅牛油香，完全唔會油膩。重點嚟啦，夾喺酥皮中間嘅係幼滑如絲嘅吉士醬同忌廉，甜度控制得啱啱好，唔會蓋過士多啤梨嘅鮮甜。而主角士多啤梨，粒粒都係新鮮又多汁，酸甜度適中，同忌廉同酥皮簡直係天作之合！如果你鍾意士多啤梨，又係個酥皮控，Mimosa嘅士多啤梨拿破崙絕對會令你食到心滿意足，甚至會想即刻再Encore多個！

早兩日路過，好耐無食過佢嘅拿破倫所以去買兩件我明白你係名店～唔憂做但職員既態度唔好話咩服務行業覺得連對人基本嘅尊重都冇～收完錢又唔出聲黑口黑面咁對你問係咪包裝緊，仲要俾你單單打打等候期間唔知買餅規矩問下老闆老闆勁黑面咯咯牆上既指示仲聽到職員同老闆講，下次你貼張一千蚊係到D人先見到～全程令我覺得我好似乞緊你個蛋糕平心而論～拿破倫好食不過一邊食一邊回想乞蛋糕既過程都唔會食得好開心雖然知少我一單生意唔會影響到你但我真係唔會再貼錢買難受

呢間店既拿破倫一直都頗有名氣，士多啤梨味拿破倫既酥皮好香脆，裡面有好多士多啤梨肉，吉士醬與士多啤梨肉及拿破倫酥皮很配。味道整體都係幾好，如果想試其他味，都可以試吓，據說芒果味都不錯的。

味道普通，名大於實，永遠唔會再食！買件餅好似欠左你咁，店主/店員態度非常差，講句說話都單單打打。一啲基本禮貌都無！啱啱睇到其他post都係講態度差，似乎店主/店員都唔覺得有問題！也許店主/店員覺得自己好似好岀名咁，所以態度先咁囂張，唔憂無生意咁。我唔係話消費者係大曬，不過亦無必要無啦啦咁樣受你地氣。黎得買餅大家都係想開心買野，但係你地既態度令人非常反感！只能講好食既拿破侖香港仲有好多，呢間味道一般，態度又唔好既，相信好快都會被淘汰。

食Mimosa蛋糕應該食咗10年有多儲咗一疊印仔卡成日都唔記得拎去換🤭人人都鍾意拿破侖係好食嘅聽聞有人會喺澳門特登派人飛過嚟香港買👏🏻但我嘅至愛係橙蛋糕4層蛋糕滿滿香橙清新味夾住cream 及朱古力有少少好似杏仁嘅小顆粒蛋糕配埋面頭嘅新鮮生果十分夾🫶🏻 好好味又有 nutty 又有 fruity 嘅味道👍🏻老公知我鍾意食幾年前開始每逢12月尾我生日都會向老闆 & 老闆娘訂製大少少size 今年我哋搬咗屋少咗落去買蛋糕老闆 & 老闆娘竟然記得老公要訂嘅係橙蛋糕好窩心☺️謝謝你們謝謝師傅特制蛋糕❤️俾我有個完美嘅生日🎂

今日打電話去問吓訂幾十件，有冇送貨，幾多日前需要訂？ 男店主詳細及禮貌地答收雙倍的士可送貨，一兩天前訂就可以。轉頭有位聲線態度霸氣女士打嚟，問我係咪訂咗蛋糕？ 我話只係問資料未決定。佢好大聲及怪責語氣話，老闆覺得呢張係大單生意，已經開始做蛋糕?!?! 叫我唔好再打電話去問，直接訂就得…(已經開始做蛋糕🙄🙄🙄？？? )我心諗：我冇講要幾多件，冇講幾時要，咁叫做訂咗蛋糕？一向已聽聞，此店服務態度極差, 但估唔到打電話問蛋糕都有錯??????

服務態度的確有待改善明白可能有明氣同固定熟客已經有一定嘅收入來源所以態度有點不可一世建議可以有禮貌多少少始終都係做香港本地人生意入到去買嘢食感覺自己好似大陸人咁樣被對待淨係想嗱嗱臨比完錢即刻走間鋪好細間，小本經營地方位置都比較狹窄同偏僻只可以企到兩台客所以比完錢即刻走就OK單獨評價甜品以$47黎講，的確好食過好多大品牌例如Cova外貌、口味同醬都幾夾甜甜地，配搭新鮮士多啤梨拿破崙脆卜卜，口感好有層次整體嚟講會下次再買

全香港最態度差嘅舖頭咁唔憂生意，其實不如執咗佢自己玻璃貼收8點半8點去到 有個男人婆 成個看更咁企喺出面我問可唔可以入去訂 佢就答無啦 收左我問 唔係8點半咩 佢就答8點 我再話 咁又貼8點半 又唔改8點 完全無應過我每次電話打去又唔會聽勸喻各位唔好再幫襯呢間垃圾舖頭其實出邊大把拿破崙好食過佢唔需要再去幫襯佢亦都唔需要再俾生意呢啲咁嘅垃圾舖頭唔係有屋企人話想食，我都唔會特登過去訂

去到這間舖頭，個位唔知係事頭婆定打工職員，啲態度真係不之所謂，應該係事頭婆，若打工一早就比人炒咗幾世，唔想做就執咗佢，唔使成日黑口黑面咁對住啲客人，好似啲客人殺咗佢全家咁。打電話永遠無人聽，留言話一定會覆，到頭來都無覆，都唔知係咪做生意。去過的客人，應該以後都唔會再去幫襯。

買咗芒果拿破侖@$45及朱古力拿破侖@$51, 都算貴架，講到味道，唔太甜，可以接受，但個餅底就硬咗啲，最後坐定定食，千祈唔好隨便企喺街度食，一咬落去d餡就唧晒出嚟，食到都幾le hea。舖面一個店員招呼，一入到去就機械人式問你：「要咩呀？」電死面，語氣差，講嘢無尾音，好似好唔耐煩，礙住佢咁。攞住杯外賣飲品，另一個店員即喝止：「呢度唔俾飲嘢！」，使唔使咁呀，我好似入咗禁區咁😡😡😡今時今日，唔係淨係你先整到好食嘅蛋糕，今次都係有朋友介紹，先嚟幫襯，間舖仲要喺大廈入面先搵到，俾$多謝都無聲，咁樣嘅服務質素，搵鬼同你買呀😡咪使旨意再幫襯，可以bad list

事緣好耐之前已經聽人哋講佢既拿破崙好出名所以之前已經買過一次，但係食完覺得超級普通個餅好硬好厚香港好食過佢嘅餅店大把嗰次買已經好好奇點解入面兩個職員都黑口黑面上星期 諗住再入去試吓其他蛋糕，係咪真係咁特別今次買咗一款$42嘅蛋糕當日我好清楚睇到銀包冇$2，所以就俾咗$105佢結果只係找返$60跟住同佢講返我係俾咗$105佢入面個男人仲要喺度同我坳，話「你係俾$2我！如果收$5我會放喺嗰度！」大佬丫 你放邊度我點知你 態度仲要勁差 黑口黑面我就問佢不如攞CCTV出嚟睇，個女人仲要話我哋呢度冇CCTV最後只能口同鼻拗為咗$3喺度嘈，真係好無謂但係就係條氣好唔順 咁嘅態度 咁嘅質素 我一定唔會再去食亦都希望大家唔好再去 比呢啲態度咁差嘅店舖經營落去！！！

想買蛋糕同屋企人分享，但去到成肚氣。一入去，女員工（似老闆）問想食咩，我話要睇下咩款先，佢就一句串話乜你5知我地出名咩蛋糕咩。請問客人要諗買咩款有乜問題？過左陣，想叫佢過黎同佢講我想買咩蛋糕，又講 頭先叫你落單又5落，5知以為你系聾。 你d野幾出名，人品差都冇得補救！

.拿破崙專賣店 之 #mimosapatisserie （天后）‼️抱歉.. post打錯🥹.因為聖誕party有幸見到呢間大家話出名 & 唔容易買嘅「拿破崙」專門店！！同大家試試佢！！好味與否？卡路里資訊又係如何呢？.芒果拿破崙 $41.首先個賣相真係無得輸..就咁睇你都feel到內餡好澎湃.. 毫不馬虎..吉士醬嘅厚度.. 再加埋外層餡仲有好多酥皮碎粒..佢哋都同d芒果粒粒融為一體..真係足料and爽皮..一定要分開layer去食..親測.. 一啖一定會漏口🤣🤣🤣🤣.酥皮高質 吉士好味.. 可細係芒果唔算甜所以營造到酸酸甜甜嘅感覺 可能有人會鍾意..但我個人如果係食芒果口味會prefer甜芒多啲.2.朱古力拿破崙 $48.哇係.. 呢個真係無得輸..無咗「芒果」酸嘅問題.. 保持佢嘅口感 & 豐富layering..再加埋朱古力吉士 可可濃郁度高..完全係一個.. 食一啖就會心情好好嘅夢幻甜品..雖然食完嗰口一定污糟..但放心.. 心情唔會污糟..🤣🤣🤣.希望資訊幫到大家 聽講草莓都好好味..但我唔好意思食人哋咁多件..我嘅「卡路里quota」都過意唔去..如果好味 歡迎大家分享評價

味道是好的但是態度非常非常差。 特別是長頭髮 中年女士， 她的態度唔憂做， 好似趕客咁。 除咗芒果拿破崙 之外其他蛋糕都是非常一般。 環境也是一般，每一次入去只能夠容許2位客人。 唔小心開住咗道門會畀人鬧， 入多咗一個人都會畀人鬧。 真係確實唔知點解要咁樣對客人

幫襯之前已經知道態度麻麻，入到去已經直接畀錢買兩件拿破崙蛋糕， 然後先問櫃裏面蛋糕係朱古力定咖啡， 位女士 已聲音大大鬧人嘅語氣回話。幾好食都係假，一定唔會再有下次。