Olive Cafe (已結業)

連日工作上的拼搏，總要稍作小休充電，食嘢就係我嘅加油站😜！今日我又約咗朋友去大埔Olive Cafe試試新菜式。Olive Cafe 在大埔超級城開張多年，主打歐陸菜式，今次決定「走進去」，只因見到店舖掛起一張巨型海報，推介炭燒美國牛扒，望到都垂涎三尺！餐廳佈置得時尚簡約，枱與枱之間有一定距離，座位亦大多是非常寬敞嘅卡座，環境舒適。店員安排我地坐近窗邊位置，可以望向熙來攘往的街景。 經典凱薩沙律薄片芝士、烤麵包粒、煙肉粒同羅馬生菜，配上蛋黃沙律醬，作爲頭盤非常醒胃！ 香煎蟹餅配刁草芥末醬外層煎得金黃色，切開內層是一絲絲鮮甜嘅蟹肉絲，可說是蟹肉蛋糕😆 主菜炭燒美國極佳牛扒30oz prime rib steak 🥩 今次叫咗七成熟，仲有少量血水流出嚟，牛油脂分佈得好平均，塊牛扒好厚身，肉質嫩滑而牛味濃郁，同時份量十足，足足有成30盎司呢！今次真係食到停唔到口，值得推薦！ 白汁菠菜焗蠔生蠔新鮮大隻，芝士味濃郁，味道同菠菜配搭得宜。 蘋果芝士蛋糕及柚子芝士蛋糕至於甜品方面，揀咗蘋果芝士蛋糕同埋柚子芝士蛋糕。蘋果芝士蛋糕賣相吸引，蛋糕面的牛油脆脆香脆可口，質感似足Apple Crumble。